बांदा | राकेश परब : सावंतवाडी तालुका भारतीय जनता पार्टी पुरस्कृत व कै. किशोर सावंत मित्रमंडळ डिंगणे आयोजित ४५ व्या कबड्डी महोत्सवाचे विजेतेपद पणजी – गोवा संघाने पटकाविले. रेवतळे (मालवण) संघाला उपविजेतेपदावर समाधान मानावे लागले. या स्पर्धेला सिंधुदुर्गसह गोवा राज्यातूनही उत्स्फूर्त प्रतिसाद मिळाला. डिंगणे येथे सावंतवाडी तालुका भाजपा पुरस्कृत कबड्डी स्पर्धेचे आयोजन करण्यात आले होते. स्पर्धेचे उद्घाटन करण्यात आले.

विजेता पणजी गोवा संघाला दयानंद सावंत पुरस्कृत किशोर चषक व प्रमोद कामत पुरस्कृत १५ हजार रुपयांचे पारितोषिक भाजपा जिल्हाध्यक्ष राजन तेली यांच्या हस्ते प्रदान करण्यात आले, तर उपविजेता रेवतळे मालवण संघाला उत्तमदादा चषक व भाजपा जिल्हा प्रवक्ते संजू परब पुरस्कृत १० हजार रुपयांचे पारितोषिक देण्यात आले. सिंहगर्जना आयनोडे (दोडामार्ग) संघाला तृतीय क्रमांकाचा आत्माराम चषक व जि. प. सदस्य श्वेता कोरगावकर पुरस्कृत ३ हजार रुपयांचे बक्षीस देण्यात आले. तसेच लक्ष्मीनारायण वालावल संघाला चंद्रकांत चषक व जि. प. सदस्य श्वेता कोरगावकर पुरस्कृत २ हजार रुपयांचे पारितोषिक प्रदान करण्यात आले.

स्पर्धेतील वैयक्तिक पारितोषिके पुढीलप्रमाणे – मालिकावीर सुमीत राठी, पणजी, उत्कृष्ट चढाई जतीन कांबळी, मालवण, उत्कृष्ट पकड लक्ष्मण गावडे, पणजी, आदर्श खेळाडू जीत पाटील, आयनोडे, शिस्तबद्घ संघ माऊली कळणे संघ.पारितोषिक वितरण कार्यक्रमाला भाजपा जिल्हाध्यक्ष राजन तेली, माजी जि. प. शिक्षण व आरोग्य सभापती प्रमोद कामत, डिंगणे सरपंच संजय डिंगणेकर, भाजपा तालुकाध्यक्ष महेश धुरी, प्रदेश सदस्य मंदार कल्याणकर, आबा धारगळकर, सुधीेर शिरसाट, बाळा आकेरकर, सुनील धामापूरकर, बाळासाहेब बांदलकर, नाना नाईक, प्रमोद सावंत, सुनील राऊळ, इन्सुली ग्रा. पं. सदस्य स्वागत नाटेकर, शिरोडकर सर उपस्थित होते.

स्पर्धेसाठी सिंधुदुर्ग कबड्डी फेडरेशनचे दिनेश चव्हाण, सिताराम रेडकर , विश्राम नाईक, वैभव कोंडसकर , कृष्णा सावंत, जयेश परब, विजयकुमार साळुंखे , तुषार साळगावकर , सी. ए. नाईक व शैलेश यांनी पंच म्हणून कामगिरी पाहिली . हजारो कबड्डी प्रेमींनी स्पर्धेचा लाभ घेतला.