कणकवली युवा सेना तालुका समन्वयक पदी तेजस राणे तर शहर प्रमुख पदी आदित्य सापळे.
कणकवली | उमेश परब (सिंधुदुर्ग ब्युरोचीफ) : युवा सेना कणकवली तालुका समन्वयक पदी तेजस राणे यांची निवड करण्यात आली आहे. तर युवासेना शहर प्रमुख पदी आदित्य सापळे व उप शहर प्रमुख सोहम वाळके यांची निवड करण्यात आली.
सिंधुदुर्ग जिल्हा युवा जिल्हाप्रमुख तथा कणकवली विधानसभा जिल्हा युवा अधिकारी सुशांत नाईक यांनी त्यांची निवड केली. या पूर्वी तेजस राणे हे कणकवली शहर प्रमुख पदावर होते. या पदावर असताना तेजस राणे यांनी युवासेना वाढीसाठी तसेच युवकांचे प्रश्न मार्गी लावण्यासाठी विशेष प्रयत्न केले होते. तेजस राणे यांचा जनसंपर्क चांगला असल्याने या सर्व बाबींची दखल घेत त्यांची निवड तालुका समन्वयक पदी करण्यात आली आहे. त्या सोबत युवासेना शहर प्रमुख पदी आदित्य सापळे व उप शहर प्रमुख सोहम वाळके यांची निवड करण्यात आली. त्यांच्या या निवडीनंतर सर्व स्तरातून तेजस राणे, आदित्य सापळे, सोहम वाळके यांचे अभिनंदन केले जात आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
