कणकवली | उमेश परब (सिंधुदुर्ग ब्युरोचीफ ) : गेली दोन वर्ष सामान्य भाविकांना आंगणेवाडी यात्रेत सहभागी होता आलं नव्हतं. यंदा कोरोनाचे नियम व अटी पाळून या यात्रेला व भराडी देवीच्या दर्शनाला परवानगी मिळाली.

सिंधुदुर्ग जिल्ह्यातील या आंगणेवाडी यात्रेला आज पहाटेपासून सुरुवात झाली.
आज सकाळी अनेक भाविकांसोबतच राजकीय नेत्यांनीही तिथे उपस्थिती लावून दर्शन घेतले.
भाजपाचे वरिष्ठ नेते आशीष शेलार,माजी शिक्षणमंत्री विनोद तावडे आणि सिंधुदुर्ग जिल्हा बॅन्केचे अध्यक्ष अतुल काळसेकर यांनी आंगणेवाडी यात्रेला भेट देऊन श्री देवी भराडीचे दर्शन घेतले.

यावेळी सोबत असलेल्या स्थानिक भाजपा नेते व कार्यकर्ते यांच्या उपस्थितीत आशिष शेलार आणि विनोद तावडे यांनी माध्यमांशीही संवाद साधताना राज्य सरकार आणि संबंधीत व्यवस्थांवर देखील टीका केलेली आहे.

यावेळी बोलताना विनोद तावडे म्हणाले की तसं तर आपण आई देवी भराडी मातेकडे काहीही मागत नाही परंतु यंदा एस.टी.कर्मचार्यांच्या मागण्यांची राज्यसरकारमार्फत योग्य ती दखल घेतली जावी हीच मागणी देवीकडे आपण करतोय. एस.टी.कर्मचारी,इ.डी. चौकशी अशा मुद्द्यांवर कोणाचेही नांव न घेता केवळ सर्व काही न्यायाने व्हावे आणि भ्रष्टाचार उखडून फेकला जावा अशी मागणी आई भराडी देवीकडे केल्याचेही यावेळी आशिष शेलार यांनी सांगितले.