मसुरे | प्राजक्ता पेडणेकर : सिंधुदुर्ग जिल्ह्यातल्या मसुरे चांदेर गांवची कन्या आणि आणि सध्या मुंबई कुर्ला येथे राहणारी रीना बाबा परब ही, मोहाली पंजाब येथे संपन्न झालेल्या नॅशनल रोलर स्केटिंग चॅम्पियनशीप http://localhost/news/public/uploads/2021 स्पर्धेमध्ये सुवर्णपदक पटकावून इंटरनॅशनल स्पर्धेसाठी भारतीय संघाचे प्रतिनिधित्व करणार आहे. या घवघवीत यशाबद्दल मुंबई भांडुप येथे शिवसेनेचे आमदार श्री सुनील राऊतआणि शिवसेना भांडुप विभाग यांच्या वतीने रीना परब हिचा नागरी सत्कार करण्यात आला.
यावेळी बोलताना आमदार सुनील राऊत म्हणाले,” रीना बाबा परब ही स्केटिंग मधील भारताला मिळालेली एक दैवी देणगी आहे. रीना परब तिचा आदर्श तिची मेहनत जिद्द चिकाटी सर्व स्केटिंग खेळाडूंनी घेऊन भविष्यात उज्ज्वल यश संपादन करावे. भविष्यातही अशा सर्व खेळाडूंच्या मागे मी आणि शिवसेना खंबीरपणे उभे आहोत.रीना परब आणि इंटरनॅशनल स्पर्धेसाठी निवड झालेल्या सर्व खेळाडू आणि तिच्या प्रशिक्षकांना पुढील वाटचालीस मनःपूर्वक शुभेच्छा.” यावेळी राष्ट्रपती पदक पोलीस विजेते किशोर शेलार उर्फ मामा, शिवसेनेचे शाखाप्रमुख राजन खैरनार,शिवसेनेचे युवा कार्यकर्ते मसुरे सुपुत्र स्वप्नील सावंत,श्री बाबा परब,योहानन फर्नांडिस, परम वडोर,सोहम मोरे, इंटरनॅशनल रोलर स्केटिंग प्रशिक्षक राहुल पदिरकर आदी उपस्थित होते. यावेळी आमदार सूनीलभाऊ राऊत यांच्या हस्ते स्केटिंग मध्ये घवघवीत यश मिळविणाऱ्या योहानन फर्नांडिस- सुवर्ण, परम वडोर-रौप्य,सोहम मोरे-रौप्य पदक आणि प्रशिक्षक राहुल पदिरकर यांचाही गौरव करण्यात आला. यावेळी उपस्थित मान्यवरांनी रीना परब आणि तिच्या सर्व सहकारी खेळाडूंचे कौतुक केले. यावेळी रीना परब आणि तिच्या सर्व सहकारी खेळाडूंनी शिवसेनेचे आमदार सुनील भाऊ राऊत यांचे सविनय आभार मानले.