चिंदर | विवेक परब : महाराष्ट्र चेंबर आँफ काॅमर्स  अँड इंडस्ट्री अँग्रिकल्चरच्या कौन्सिल मेंबर पदाचा पदग्रहण सोहळा मुंबईत संपन्न झाला. यावेळी केंद्रीय मंत्री नितीन गडकरी उद्घाटक व मुख्य मार्गदर्शक म्हणून तर केंद्रीय , अर्थ राज्यमंत्री डाॅ. भागवत कराड प्रमुख पाहुणे म्हणून उपस्थित होते. राज्याचे माजी वस्रोद्योग मंत्री प्रकाश आवाडे,चेंबरचे अध्यक्ष ललीत गांधी, माजी अध्यक्ष आशिष पेडणेकर अशा विविध,ठिकाणाहून आलेल्या  पदाधि-यांना प्रमाणपत्र देऊन गौरविण्यात आले .
यावेळी सिंधुदुर्ग जिल्ह्यातील  मालवण तालुक्याच्या हडी गांवचे सरपंच महेश मांजरेकर यांचा सन्मान करण्यात आला. मांजरेकर हे सद्गुरु सदानंद माऊली एज्युकेशन फाऊंडेशन संचालीत डाॅ. एस. एस. कुडाळकर हायस्कुलचे संचालक आहेत. मांजरेकर हे विविध क्षेत्रात धडाडीने कार्यरत असून विविध संस्थान मध्ये सक्रीय आहेत. सिंधुदुर्ग जिल्ह्यातील ग्रामीण विकास प्रक्रियेत  उपक्रमशील सरपंच म्हणून ते बहुचर्चित आहेत. मांजरेकर व क्रियाशील सदस्यांच्या कामाची केंद्रीय मंत्री नितीनजी गडकरी, व भागवत कराड यांच्या कडून प्रशंसा करण्यात आली. मुंबई येथे झालेल्या या कार्यक्रमाला केंद्रीय मंत्री नितीन गडकरी व भागवत कराड यांनी मार्गदर्शन केले तर प्रकाश आवाडे ,ललीत गांधी यांची भाषणे झाली.
हडी सरपंचांच्या गौरवाची सिंधुदुर्ग जिल्ह्यातील सर्व स्तरांतून प्रशंसा होत आहे.