कणकवली | प्रतिनिधी : सिंधुदुर्ग जिल्ह्यातील कणकवली नजिकच्या एका खाजगी इंग्लिश मिडियम स्कूलमधील पाचवितील विद्यार्थ्याला मारहाण केल्याबद्दल पालकांच्या फिर्यादीनुसार शिक्षक एकनाथ धनवटे यांच्या विरोधात ‘जे जे ऍक्ट’ नुसार कणकवली पोलीस ठाण्यात गुन्हा दाखल करण्यात आला आहे.

कणकवली पोलीस ठाण्यात पालकांनी दिलेल्या फिर्यादीनुसार 2 फेब्रुवारी रोजी वाढलेले केस कापले नाहीत या कारणावरून पाचवीत शिकणाऱ्या एका विद्यार्थ्याला एकनाथ धनवटे या शिक्षकाने शाळेच्या ग्राउंडवर केसाला धरून जमिनीवर आपटले. आणि हाताच्या थापटाने कानाखाली मारले. याबाबत वडिलांना सांगितल्यास आणखी मारण्याची धमकी दिली असे म्हटले होते.त्यानुसार शिक्षक धनवटे विरोधात सुरुवातीला अदखलपात्र गुन्हा दाखल करण्यात आला होता.याबाबत मारहाण झालेल्या मुलाच्या पालकांनी चाईल्ड लाईन हेल्पलाईन नं 1098 वर तक्रार दिली होती.त्यावरून चाईल्ड लाईन च्या पदाधिकाऱ्यांनीही याबाबत मारहाण झालेल्या विद्यार्थ्याची व पालकांची भेट घेत माहिती घेतली होती.तसेच त्याच्या शाळेत जाऊनही चौकशी केली होती.दरम्यान याबाबत सुरुवातीला अदखलपात्र गुन्हा दाखल झाल्यानंतर अधिक चौकशीअंती जे जे ऍक्ट अर्थात बाल न्याय ( मुलांची काळजी व संरक्षण ) अधिनियम http://localhost/news/public/uploads/2015 चे कलम 75, 82 नुसार मारहाण करणारा शिक्षक एकनाथ धनवटे विरोधात कणकवली पोलीस ठाण्यात गुन्हा दाखल करण्यात आला आहे. अधिक तपास महिला पोलीस उपनिरीक्षक धनश्री पाटील करत आहेत. विद्यार्थ्याला शिस्तीच्या नावाखाली अमानुष दंड वागणुक देणे हे सदर शिक्षकाला चांगलेच भोवले जाणार अशीच शक्यता वर्तवली जात आहे.