भाजप पुरस्कृत श्री देव रामेश्वर सहकारी विकास पॅनेलकडून १८ उमेदवारी अर्ज दाखल.

चिंदर | विवेक परब : सिंधुदुर्ग जिल्ह्यातील सहकारी संस्था, पतसंस्था यांच्या निवडणुकी पार पडत असताना राजकीय दृष्ट्या प्रतिष्ठेच्या समजल्या जाणाऱ्या आचरा येथील श्री देव रामेश्वर विविध कार्यकारी सहकारी सेवा संस्था मर्यादित सोसायटीच्या निवडणुकीसाठी भाजप पुरस्कृत श्री देव रामेश्वर सहकारी विकास पँनलकडून आज १८ अर्ज दाखल करण्यात आले आहेत.
अर्ज दाखलकरणा-यांन मध्ये सर्व साधारण प्रतिनिधी म्हणून-अवधूत हळदणकर, सदानंद घाडी, समिर बांवकर, सुहास परब, लवू मालंडकर, अनिल करंजे, भिकाजी कदम, प्रशांत पांगे, संतोष मिराशी, प्रफुल्ल घाडी, प्रिया आचरेकर, गौरव वाडेकर तर महिला प्रतिनिधी म्हणून निशा गांवकर, मनाली तोंडवळकर, प्रिया आचरेकर यांनी इतर मागासमधून धनजंय टेमकर, अनुसूचित जाती जमाती प्रतिनिधी लक्ष्मणराव आचरेकर तर भटक्या विमुक्त जाती/जमाती व विशेष मागास प्रवर्ग प्रतिनिधी म्हणून डाॅ. प्रमोद कोळबंकर यांनी अर्ज दाखल केले. या निवडणुकीसाठी भाजपकडून पक्ष निरिक्षक म्हणून संतोष गांवकर यांची नेमणूक करण्यात आली आहे.
निवडणूक अर्ज दाखल करतानां भाजप तालुकाध्यक्ष धोंडी चिंदरकर, तालुका सरचिटणिस महेश मांजरेकर, संतोष कोदे, जेराॅन फर्नांडिस, राजन गांवकर, चिंदर विकास सोसायटी चेअरमन देवेंद्र हडकर, बाबू कदम, लवू घाडी, विश्वास गांवकर, सचिन हडकर हे उपस्थित होते.