जेष्ठ व्यापाऱ्यांच्या सचोटीचा व प्रामाणिकपणाचा आदर्श युवा व्यापाऱ्यांसाठी प्रेरणादायी : अर्जुन बापर्डेकर.
चिंदर | विवेक परब : सिंधुदुर्ग जिल्ह्यातील आचरा बाजारपेठेतील जेष्ठ व्यापाऱ्यांचा प्रामाणिक आणि सचोटीच्या व्यवहार आचरा बाजारपेठेच्या उत्कर्षासाठी महत्वपूर्ण असून सध्याच्या युवा व्यापाऱ्यांसाठी तो प्रेरणादायी असल्याचे मत आचरा व्यापारी संघटनेचे अध्यक्ष अर्जुन बापर्डेकर यांनी कणकवली येथे व्यक्त केले.
जिल्हा व्यापारी महासंघाच्या एकता मेळाव्यात पुरस्कार वितरण सोहळ्यात ते बोलत होते. यावेळी त्यांच्या सोबत जिल्हा व्यापारी महासंघाचे अध्यक्ष प्रसाद पारकर,सचिव नितीन वाळके, कोषाध्यक्ष अरविंद नैवाळकर,कणकवली तालुका व्यापारी संघटना अध्यक्ष दिपक बेलवलकर, आचरा व्यापारी संघटनेचे जयप्रकाश परुळेकर, मंदार सांबारी, माणिक राणे,पंकज आचरेकर, मंगेश टेमकर, अनिल करंजे,हेमंत गोवेकर, परेश सावंत, चंदू कदम, यांसह महासंघाचे अन्य पदाधिकारी आदी मान्यवर उपस्थित होते.
जिल्हा व्यापारी महासंघातर्फे देण्यात येणारा या वर्षीचा कै.प्रतापराव केनवडेकर आदर्श व्यापारी संघटना पुरस्कार आचरा व्यापारी संघटनेला जिल्हा व्यापारी महासंघाच्या ३४व्या व्यापारी एकता मेळाव्यात प्रदान करण्यात आला.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
