अर्जेंटिना येथील इंटरनॅशनल स्पर्धेत रीना करणार  देशाचे नेतृत्व

मसुरे | प्राजक्ता पेडणेकर : रोलर स्केटिंग फेडरेशन ऑफ इंडिया यांच्या वतीने मोहाली पंजाब येथे  नुकत्याच संपन्न झालेल्या नॅशनल  रोलर स्केटिंग चॅम्पियनशिप http://localhost/news/public/uploads/2021 स्पर्धेत मसुरे चांदेरवाडीची सुकन्या  रीना बाबा परब हिने सुवर्णपदक पटकावले आहे. रीना परब ऑक्टोंबर २०२२ मध्ये अर्जेंटिना येथे होणाऱ्या इंटरनॅशनल स्पर्धेसाठी देशाचे नेतृत्व करणार आहे. तिच्या या यशाबद्दल सर्वत्र कौतुक होत आहे. तिचा सहभाग असलेल्या या स्पर्धेत ठाण्यातील रोलर आणि आइस स्पोर्ट्स अकादमीचे खेळाडू योहानन फर्नांडिस- सुवर्ण, परम वडोर-रौप्य,सोहम मोरे-रौप्य,रीना बाबा परब- सुवर्ण अशी  २ सुवर्ण पदके, २ रौप्य पदके जिंकली आहेत.विजेत्यांना रोख बक्षीस, मेडल  देऊन सन्मानित करण्यात आले.अखिल भारतीय स्तरावर सर्व राज्यातून आलेल्या स्पर्धकांमधून  हे यश मिळाले आहे.या विजयी स्पर्धकांना प्रशिक्षक राहुल पंदीरकर यांचे मोलाचे मार्गदर्शन मिळाले. रीना ही चांदेरवाडी येथील उद्योजक आणि मुंबई कुर्ला बैल बाजार येथील समाजसेवक बाबा परब यांची सुकन्या आहे . बाबा परब हेसुद्धा कबड्डीचे राष्ट्रीय खेळाडू होते. रीना परब ही दररोज चार ते पाच तासांचा नित्य सराव करत असते. सुमारे दहा-बारा वर्षाच्या ब्रेक नंतर पुन्हा एकदा रीना हिने स्केटिंग मध्ये सराव करण्यास सुरुवात करून हे घवघवीत यश संपादन केले. बारा वर्षापूर्वी  रीना हिची ऑलम्पिक स्पर्धेच्या पात्रता फेरी साठी सुद्धा भारत देशा कडून निवड झाली होती परंतु काही कारणामुळे त्या वेळी तिची ही संधी सुटली होती. रीना परब म्हणाली, सिंधुदुर्ग जिल्ह्यातील मसुरे चांदेरवाडी गावची एक कन्या आज एवढ्या मोठ्या स्पर्धेसाठी पात्र होऊन भारत देशासाठी खेळणार असल्याचा आनंद शब्दात व्यक्त करणे कठीण आहे. आपल्या देशातील अनेक सहभागी नामवंत खेळाडू मधून सुवर्णपदक मिळवून मी या स्पर्धेसाठी पात्र ठरल्याचा मला अभिमान आहे. रोलर स्केटिंगची एक खेळाडू म्हणून महाराष्ट्र शासनाला किंवा भारत सरकारला माझी एक विनंती राहील की अशा स्पर्धांमधून विजेत्या खेळाडूंना शासकीय नोकऱ्या उपलब्ध करून दिल्यास या खेळाचा खऱ्या अर्थाने प्रचार आणि प्रसार होण्यास मदत होणार आहे. यासाठी स्थानिक आमदार, खासदार, राजकीय क्षेत्रातील व्यक्तीने जास्तीत जास्त प्रयत्न करून अशा सर्व खेळाडूंना शासकीय नोकऱ्या मिळवून देण्यासाठी प्रयत्न करणे गरजेचे आहे. रीना परब ही सुद्धा मुंबई येथे स्केटिंग खेळाडूंना प्रशिक्षण देते.  आपल्या सिंधुदुर्ग जिल्ह्यातील स्केटिंग खेळाडूनाही भविष्यात पुढे आणण्यासाठी रिना हिचा प्रयत्न आहे. यासाठी मोफत मार्गदर्शन करण्याचीही तयारी तिने दर्शविली आहे. रीना हिचा  मसुरे गावाच्या आणि परब मराठा समाजाच्या वतीने लवकरच नागरी सत्कारही करण्यात येणार आहे.  रीना परब ही मसुरे येथील प्रसिद्ध उद्योजक डॉक्टर  श्रीकृष्ण उर्फ दीपक परब यांची पुतणी आहे. रीना हीचे  उद्योजक दीपक सावंत, अखिल भारतीय कॅरम फेडरेशनचे उपाध्यक्ष बाळासाहेब गोसावी, प्रसिद्ध उद्योजक दीपक परब, माजी जिल्हा परिषद अध्यक्ष संग्राम प्रभुगावकर, मर्डे सरपंच संदीप हडकर, उपसरपंच पिंट्या गावकर, जिल्हा परिषद सदस्य सौ सरोज परब, पंचायत समिती सदस्य सौ गायत्री ठाकूर, मसुरे माजी सरपंच लक्ष्मी पेडणेकर, मुंबई येथील समाजसेवक प्रकाश परब, महेश बागवे विलास मेस्त्री, परब मराठा समाजाचे जी एस परब, आनंद मुळीक आणि मसुरे गावातून अभिनंदन होत आहे.