बांदा बाजारपेठेत अवकाळी पावसाची हजेरी
व्यापाऱ्यांची धावपळ तर ग्राहकांची खरेदीसाठी लगबग
बांदा | राकेश परब : आज सोमवारी बांद्याचा आठवडा बाजार असल्याने बांदा दशक्रोशीतील हजारो ग्राहक बाजारपेठेत येतात. संध्याकाळी अचानक आलेल्या अवकाळी पावसाने व्यापाऱ्यांची दुकाने आवराआवर करण्यासाठी धावपळ सुरू झाली. त्यातच ग्राहकांची खरेदीसाठी झुंबड उडाली होती. परंतु पावसाचा जोर वाढल्याने बाजारपेठ ओस पडली होती. महापुरात अगोदरच झालेले नुकसान भरून आले नाही अन आज झालेले नुकसान पाहून दुकानदार व व्यापाऱ्यांच्या डोळ्यांत पाणी आले. बांदा बाजारपेठेत खरेदीची लगबग सुरु असताना अचानक आलेल्या अवकाळी पावसाने व्यापाऱ्यांची तारांबळ उडाली. दुकाने आवराआवर करताना व्यापाऱ्यांच्या दमझाक झाली. पावसात माल भिजू नये यासाठी सर्वांची धावपळ सुरू झाली अन अचानक आलेल्या पावसात काहींचे नुकसान झालेच. सर्व रस्त्यावर पाणीच पाणी झाले होते. ग्राहकांनी मात्र दुकानांचा आसरा घेतला. दरम्यान उशिरापर्यंत पाऊस सुरूच होता.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
