या पुरस्काराचे वितरण ९ जाने. रोजी स.११ वा. गणपतीपुळे (रत्नागिरी ) येथे होणार आहे

शिरगाव/संतोष साळसकर : कणकवली तालुक्यातील नांदगाव-मधलीवाडी येथील प्रशालेच्या पदवीधर शिक्षिका सौ.प्रियांका विजय भोगले यांना सन २०२२ चा राज्यस्तरीय क्रांतीज्योती सावित्रीबाई फुले गुणवंत शिक्षिका पुरस्कार जाहीर झाला आहे. सौ प्रियांका भोगले यांचे मूळ गाव हे देवगड तालुक्यातील चाफेड-भोगलेवाडी येथे आहे.या पुरस्काराचे वितरण रवी.९ जाने. रोजी स.११ वा. गणपतीपुळे येथील हॉटेल दर्या सारंग पॅलेस येथे होणार आहे. अविष्कार फाउंडेशन ही सामाजिक,शैक्षणिक,क्रीडा,आरोग्य,सांस्कृतिक क्षेत्रात कार्य करणारी संस्था आहे.क्रांतीज्योती सावित्रीबाई फुले जयंतीच्या निमित्ताने संस्थेच्या वतीने गणपतीपुळे(जि. रत्नागिरी) येथे प्रतिवर्षीप्रमाणे राज्य व राज्यस्तरावरील पुरस्काराचे आयोजन करण्यात येते.सौ.प्रियांका भोगले यांच्या शैक्षणिक क्षेत्रातील कार्याची दखल घेऊन त्यांना हा पुरस्कार जाहीर करण्यात आला आहे.अशी माहिती अविष्कार फाउंडेशन इंडियाचे राष्ट्रीय संस्थापक अध्यक्ष संजय पवार व सिंधुदुर्ग जिल्हा महिला संघटक सौ.स्मिता नलावडे यांनी माहिती दिली. सौ.प्रियांका भोगले यांना यापूर्वी गायिका आशा भोसले यांच्या हस्ते नाशिक येथे तसेच कणकवली पं. स.च्या वतीने सत्कार करण्यात आला होता.तसेच यावर्षी त्यांना रोटरी क्लब सिंधुदुर्ग चा गुणवंत शिक्षिका पुरस्कारही मिळाला होता. समूहगायन व नृत्य स्पर्धेत त्यांना अनेकदा जिल्हास्तरावर क्रमांक प्राप्त झाला असून त्यांनी मुलांची भजनेही बसवली आहेत. त्यांचे पती विजय भोगले यांनाही राज्यस्तरीय आदर्श पदवीधर शिक्षक पुरस्कार मिळाला आहे.त्यांच्या या निवडीबद्दल सर्वत्र अभिनंदन होत आहे.