6 सीटर मॅजिक रिक्षा स्टँड एसटी स्टँडसमोर..!
नगराध्यक्ष समीर नलावडे यांच्या हस्ते उद्घाटन
कणकवली / उमेश परब (सिंधुदुर्ग ब्युरोचीफ) : कणकवली बसस्थानकासमोर सहा आसनी मॅजिक स्टॅन्डचा शुभारंभ कणकवली नगराध्यक्ष समीर नलावडे व माजी जि. प. अध्यक्ष संदेश उर्फ गोट्या सावंत यांच्या हस्ते करण्यात आला. कणकवली नाटळ, दिगवळे, बोर्डवे, आंब्रड या भागात जाणाऱ्या प्रवाशांकरिता बसस्थानकासमोरील हे सहा आसनी मॅजिक स्टँड फायदेशीर ठरणार आहे. या भागात प्रवासी वाहतूक करणाऱ्या मॅजिक धारकांकडून स्टॅन्डसाठी कायमस्वरूपी जागा उपलब्ध करून देण्याची मागणी करण्यात आली होती. नगराध्यक्ष समीर नलावडे व गोट्या सावंत यांच्या माध्यमातून या मार्गावर प्रवासी वाहतूक करणाऱ्या सहा आसनी मॅजिक धारकांना एकाच छताखाली जागा देण्यात आली. यावेळी महापुरुष मॅजिक संघटनेच्या फलकाचे अनावरण नगराध्यक्ष समीर नलावडे व गोट्या सावंत यांच्या हस्ते करण्यात आले. यावेळी मॅजिक चालक मालक उपस्थित होते. तसेच भाजपा तालुकाध्यक्ष मिलींद मेस्त्री सुशील पारकर, महेश सावंत आदी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
