वायंगणी येथील श्री स्वामी समर्थ मंदिराचा नववा वर्धापनदिन सोहळा १५ डिसेंबर ते १७ डिसेंबर होणार साजरा….!

समारोपादिवशी राज्यस्तरीय एकेरी नृत्यस्पर्धेचेही आयोजन…!

आचरा | अनिकेत पांगे : मालवण तालुक्यातल्या वायंगणी गावातील श्री स्वामी समर्थ मंदिराचा नववा वर्धापनदिन सोहळा तीन दिवस चालणार आहे . दिनांक १५ डिसेंबर ते १७ डिसेंबर कालावधीत रंगणार्या या भक्तीसोहळ्यात विविध धार्मिक कार्यक्रम व विधींसोबतच निखळ सांस्कृतिक उपक्रमही आयोजित केले जात आहेत .
दिनांक १५ डिसेंबर रोजी पहिल्या दिवशी पालखी परिक्रमा,पालखीचे आगमन, महाप्रसाद, नित्य आरती, स्थानिकांची भजने असे कार्यक्रम आहेत तर दुसर्या दिवशी राजोपचार पूजा ,दुग्धाभिषेक व सहस्त्र बिल्वापर्ण अर्पण पूजन, सामुदायिक महापूजा, महाप्रसाद आणि भजने असा कार्यक्रम आहे.
दिनांक १७ डिसेंबर रोजी समारोप असून त्यादिवशी नित्य आरती, महापूजा, अष्टपैलू भक्तीरंग कार्यक्रम मालवण ,आरती ,महाप्रसाद व नंतर कराओके संगीत मेजवानी, हळदीकुंकू कार्यक्रम आणि भजने असे आयोजन करण्यात आले आहे.
१७ डिसेंबरला रात्री नऊ वाजता एका विशेष कार्यक्रमाचे आयोजन करण्यात यात आभार प्रदर्शन व सत्कार सोहळा संपन्न होणार आहे. त्या कार्यक्रमाचे उद्घाटन मिठबांव सरपंच श्री भाई नरे व श्री.शेखर मोर्वेकर यांच्या हस्ते होणार आहे.
या कार्यक्रमाचे प्रमुख पाहुणे म्हणून गेटवेल हाॅस्पिटल, कणकवली येथील डाॅ.पाकळे उपस्थित राहणार आहेत.
तसेच डाॅक्टर सिद्धेश सकपाळ (त्रिंबक), डाॅक्टर कोळंबकर(पिरावाडी),सौ.संजना रेडकर (सरपंच ,वायंगणी ग्रामपंचायत),सुनिल त्रिंबककर (वायंगणी पोलिस पाटील) आणि मंडळाचे प्रमुख सल्लागार एडव्होकेट उल्हास कुलकर्णी (मालवण) हे विशेष निमंत्रित मान्यवर उपस्थित राहणार आहेत. रात्री दहा वाजता राज्यस्तरीय एकेरी नृत्यस्पर्धेचे आयोजन करण्यात आले आहे .
तीन दिवस चालणार्या या सोहळ्याला समस्त स्वामी समर्थ भक्तांनी व परिसरांतील श्रद्धाळूंनी जास्तीतजास्त संख्येने उपस्थित रहाण्याचे आवाहन मंडळाचे अध्यक्ष श्री. सदानंद राणे यांनी केले आहे.