त्या डाॅक्टरांवर कारवाईची केली मागणी…!

कणकवली / उमेश परब (सिंधुदुर्ग ब्युरोचीफ ): कणकवली कळसुली प्राथमिक आरोग्य केंद्रातील डॉक्टरच्या दिरंगाईमुळे वैशाली गणपत परब यांना आपला प्राण गमवावा लागला. अश्या घटना कळसुली गावात वारंवार घडत आहेत. ही सलग तिसरी घटना असून अशा कामचुकार डॉक्टरांवर कारवाई कारा अशी मागणी कळसुली ग्रामस्थांनी वैद्यकीय अधिकारी डॉ.पोळ यांना निवेदन देऊन केली आहे. कळसुली परबवाडी येथील वैशाली गणपत परब यांना त्रास होऊ लागल्याने ग्रामस्थांनी लागलीच कळसुली आरोग्य केंद्रात धाव घेतली मात्र त्या ठिकाणी कोणीही डॉक्टर उपस्थित नसल्याचे ग्रामस्थांच्या निदर्शनास आले. त्यांना कणकवली येथे उपचारसाठी नेण्याचा निर्णय घेण्यात आला मात्र त्याच दरम्यान वैशाली परब यांची प्राणज्योत मालवली होती. ही सलग तिसरी घटना आल्याने कळसुली ग्रामस्थांनी वैद्यकीय तालुका अधिकारी डॉ. पोळ यांना घेराव घालत अशी हलगर्जीपणा करणाऱ्या डॉक्टरावर योग्य ती कारवाई करा अन्यथा जनउद्रेकाला आपण जबाबदार असाल अशा आशयाचे पत्र देत इशारा दिला आहे. यावर आपण योग्य तो न्याय ग्रामस्थांना देऊ असा विश्वास यावेळी डॉ. पोळ यांनी उपस्थितांना दिला. यावेळी कळसुली ग्रामपंचायत सरपंच साक्षी परब, तंटामुक्ती अध्यक्ष चंदू परब, रुपेश आंडोस्कर,सुशांत दळवी,पोलीस पाटील महेश केसरकर, मधुकर चव्हाण, रुजाय फर्नांडिस, गुणाजी परब, मोहन दळवी, विजय परब, लक्ष्मण परब, नंदू परब, गुणाजी परब, सत्यवान परब, नंदकिशोर सुद्रीक, किशोर घाडीगांवकर, सत्यवान परब, आदींसह कळसुली गावांतील नागरिक मोठया संख्येने उपस्थित होते.