रोझरी इंग्लिश स्कूलची मालवण तालुकास्तरीय खो - खो स्पर्धेत चषकीय कामगिरी.

१७ वर्षांखालील मुलांच्या संघाचे जेतेपद आणि १४ वर्षांखालील मुलांच्या संघाचे उपविजेतेपद.

मालवण | प्रतिनिधी : मालवण तालुकास्तरीय खो - खो स्पर्धेत मालवण शहरातील रोझरी इंग्लिश स्कूल प्रशालेने दुहेरी चषकीय कामगिरी केली आहे. ही स्पर्धा मालवण तालुक्यातील चौके येथील भ. ता. चव्हाण हायस्कूल पटांगणावर खेळवली गेली.

१७ वर्षांखालील मुलांच्या संघाने अंतिम सामन्यात रोझरी इंग्लिश स्कूलने यजमान चौके हायस्कूलच्या संघाचा पराभव करून विजेतेपद प्राप्त केले आणि त्या उल्लेखनीय विजयासह जिल्हास्तरीय स्पर्धेसाठी रोझरी इंग्लिश स्कूल प्रशालेच्या १७ वर्षांखालील संघाची निवड निश्चित केली. आता हा संघ जिल्हास्तरीय स्पर्धेत मालवण तालुक्याचे प्रतिनिधित्व करणार आहे.

१४ वर्षांखालील मुलांच्या रोझरी इंग्लिश स्कूल प्रशालेच्या संघाने अंतिम फेरीपर्यंत मजल गाठली. अंतिम सामन्यात त्यांचा पराभव झाला आणि त्यांना उपविजेतेपद प्राप्त झाले. क्रीडा प्रशिक्षक मेलवीन फर्नांडिस आणि विशाल भगत यांचे मोलाचे मार्गदर्शन लाभले.

रोझरी इंग्लिश स्कूल प्रशालेचे मुख्याध्यापक फादर ॲन्थनी डिसोझा यांनी दोन्ही संघांचे अभिनेदन केले. दोन्ही संघांच्या उत्कृष्ट कामगिरीबद्दल शाळेमार्फत त्यांना चषक देऊन सन्मानित करण्यात आले. मुख्याध्यापक फादर ॲन्थनी डिसोझा यांनी १७ वर्षांखालील मुलांच्या संघाला जिल्हास्तरीय स्पर्धेसाठी सदिच्छा दिल्या. 

रोझरी इंग्लिश स्कूल प्रशालेचे मुख्याध्यापक फादर ॲन्थनी डिसोझा यांच्या मार्गदर्शनाखाली क्रीडा शिक्षक स्वप्निल तांबे व सहकारी यांचे विवेष प्रयत्न, शिक्षक - शिक्षकेतर कर्मचारी आणि पालक यांच्या सदिच्छा तसेच मुलांचा समर्पित सराव ह्या व अशा घटकांमुळे रोझरी इंग्लिश स्कूल प्रशालेच्या विद्यार्थ्यांच्या परिणामकारक प्रयत्नांनी मैदानी खेळांमधला त्यांचा उंचावणारा आलेख हा प्रशंसेचा ठरत असल्याची प्रतिक्रिया व्यक्त होत आहे.