मालवण तालुकास्तरीय मैदानी स्पर्धांमध्ये रोझरी इंग्लिश स्कूल प्रशालेच्या ॲथलीटसची चमकदार कामगिरीसह जिल्हास्तरावर धडक..!

रोझरी इंग्लिश स्कूल प्रशालेचे मुख्याध्यापक फादर ॲन्थनी डिसोझा यांच्याकडून सहभागी व यशस्वी ॲथलीटसचे विशेष प्रशंसेसह अभिनंदन.  

मालवण | प्रतिनिधी : क्रीडा युवकसेवा संचलनालय, महाराष्ट्र राज्य पुणे अंतर्गत जिल्हा क्रीडा अधिकारी कार्यालय व जिल्हा क्रीडा परीषद यांच्यावतीने, मालवण तालुक्यातील शिरवंडे येथे खेळवल्या गेलेल्या मालवण तालुकास्तरीय मैदानी स्पर्धांमध्ये, मालवण शहरातील रोझरी इंग्लिश स्कूलच्या ॲथलीटसनी चमकदार कामगिरी केली आहे. दिनांक १३ व १४ ऑक्टोबर रोजी ह्या स्पर्धा खेळविण्यात आल्या. रोझरी इंग्लिश स्कूल प्रशालेचे मुख्याध्यापक फादर ॲन्थनी डिसोझा यांनी सर्व सहभागी व यशस्वी ॲथलीटसची विशेष प्रशंसा आहे. 

स्पर्धांमध्ये १४ वर्षांखालील मुलांच्या गटातल्या ४०० मीटर धावणे क्रीडा प्रकारात कु. फ्लोरेन्स फर्नांडिस याने प्रथम क्रमांक प्राप्त केला.

१७ वर्षांखालील मुलांच्या १०० मीटर धावणे क्रीडा प्रकारात कु. सोहम चव्हाण याने प्रथम क्रमांक तर २०० मीटर धावणे क्रीडा प्रकारात द्वितीय क्रमांक प्राप्त केला. कु. सोहम चव्हाण याने १७ वर्षांखालील उंच उडी क्रीडा प्रकारात देखिल प्रथम क्रमांक प्राप्त केला.

रोझरी इंग्लिश स्कूलच्या १७ वर्षांखालील मुलांच्या रिले संघाने प्रथम क्रमांक प्राप्त केला. 

१७ वर्षांखालील १०० मीटर अडथळा शर्यत ( हर्डल) क्रीडा प्रकारात कु. पार्थ कोडाचवाडकर याने द्वितीय क्रमांक प्राप्त केला. 

मुलींच्या १०० मीटर धावणे क्रीडा प्रकारात कु. निधी कांबळी हिने प्रथम क्रमांक प्राप्त केला. 

१७ वर्षांखालील मुलींच्या अडथळा शर्यत ( हर्डल) क्रीडा प्रकारात कु. एंजल लुद्रीक हिने १९. २४ सेकंदाची वेळ नोंदवत प्रथम क्रमांक प्राप्त केला.  

रोझरी इंग्लिश स्कूल प्रशालेच्या वरील सर्व ॲथलीटसची जिल्हास्तरीय मैदानी क्रीडा स्पर्धांसाठी निवड झाली आहे. या सर्व ॲथलीटसना प्रशालेचे मुख्याध्यापक फादर ॲन्थनी डिसोझा यांच्या मार्गदर्शनाखाली क्रीडा शिक्षक स्वप्निल तांबे आणि प्रशिक्षक जेवी फर्नांडिस यांचे मार्गदर्शन लाभले आहे. 

रोझरी इंग्लिश स्कूल प्रशालेचे मुख्याध्यापक फादर ॲन्थनी डिसोझा यांच्यासह शिक्षक, शिक्षकेतर कर्मचारी व पालक यांनी सर्व सहभागी आणि यशस्वी ॲथलीटसचे अभिनंदन करत जिल्हास्तरीय स्पर्धेसाठी सदिच्छा दिल्या आहेत.