जाहिरात
मालवण ग्रामदैवतांचा वार्षिक दीपोत्सव आणि श्री देव नारायण जत्रोत्सव २४ नोव्हेंबर रोजी.
मालवण ग्रामदैवतांचा वार्षिक दीपोत्सव आणि श्री देव नारायण जत्रोत्सव २४ नोव्हेंबर रोजी.
मालवण : मालवण शहरातील देऊळवाडा येथे ग्रामदैवतांचा वार्षिक दीपोत्सव (त्रिपुरारी पौर्णिमा) आणि श्री देव नारायणाचा जत्रोत्सव मंगळवार, २४ नोव्हेंबर २०२६ रोजी भक्तीपूर्वक उत्साहात साजरा होणार आहे.
यावेळी छत्रपती शिवाजी महाराजांचा राजदंड सिंधुदुर्ग किल्ल्यावरून वाजत-गाजत मालवणमध्ये आणला जाणार आहे. रात्री ९.३० वाजता श्री देव रामेश्वर मंदिर येथून पालखी श्री देव नारायण मंदिराकडे प्रस्थान करेल. यावेळी मंदिरात पोथीपूजन व पुराणवाचनाचा कार्यक्रम होणार आहे.
या उत्सवानिमित्त श्री देव नारायण, श्री देवी पावणाई, श्री देवी भावई, श्री देव रामेश्वर आणि श्री देवी सातेरी या मंदिरांमध्ये दीपोत्सव साजरा केला जाईल. तसेच रात्री पालखी मिरवणूक आणि दशावतारी नाट्यप्रयोगाचे आयोजन करण्यात आले असून, पहाटे या उत्सवाची सांगता होईल. तरी सर्व भाविकांनी या सोहळ्याचा लाभ घ्यावा, असे आवाहन देवस्थान ट्रस्टच्या वतीने करण्यात आले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)