माऊली स्पोर्ट्स क्लब सरमळे-पेडणे गोवा यांचा नरकासुर प्रथम

बांदा | राकेश परब : येथील सागर सावंत मित्रमंडळाच्यावतीने आयोजित करण्यात आलेल्या खुल्या नरकासुर स्पर्धेला उस्फुर्त प्रतिसाद मिळाला. स्पर्धेत बांदा शहरासह गोवा राज्यातील व ग्रामीण भागातील तब्बल बाराहून अधिक नरकासुर सहभागी झाले होते.
या स्पर्धेत सरमळे-पेडणे-गोवा येथील माऊली स्पोर्टस क्लबच्या नरकासुराने प्रथम क्रमांक मिळविला. क्रेझी बॉईज मित्रमंडळ पेडणे-गोवा यांच्या नरकसुराने द्वितीय क्रमांक, कुलदेव बॉईज सावळवाडा-पेडणे यांच्या नरकासुराने तृतीय क्रमांक मिळविला. चतुर्थ क्रमांक वनलव वरचावाडा, वारखंड-गोवा तर पाचवा क्रमांक नाईक ब्रदर्स, बांदा यांनी मिळविला. उत्तेजनार्थ पारितोषिक राजन कासकर मित्रमंडळ, लकरकोट-पत्रादेवी व आदर्श नगर, तांबोळी यांना देण्यात आले. स्पर्धेचे परीक्षण रणजित बांदेकर, केदार कणबर्गी व स्वप्नील गडकरी यांनी केले.
येथील बांदेश्वर मंदिर चौकात संपन्न झालेल्या या स्पर्धेचे उद्घाटन मान्यवरांच्या हस्ते संपन्न झाले. विजेत्या स्पर्धकांना रोख पारितोषिके मान्यवरांच्या हस्ते देण्यात आली. स्वागत सागर सावंत यांनी केले. सूत्रसंचालन नितीन नाईक आणि राकेश परब यांनी केले. या स्पर्धेत एकाहून एक सरस नरकासुर सहभागी झाले होते. रात्री उशिरापर्यंत झालेल्या या स्पर्धेत नरकासुर पाहण्यासाठी बांदावासीयांनी मोठी गर्दी केली होती.
अक्षय मयेकर, सर्वेश मुळये, गौरांक साळगांवकर, गुरुनाथ साळगांवकर, अजय तारी, युसुफ शेख, समीर सावंत, भाई म्हाडगुत यांनी कार्यक्रमाचे नियोजन केले.