आमदार निलेश राणे यांच्या पाठपुराव्याने महिला बाल रुग्णालयातील कंत्राटी कर्मचाऱ्यांना मुदतवाढ.
आमदार निलेश राणे यांच्या पाठपुराव्याने महिला बाल रुग्णालयातील कंत्राटी कर्मचाऱ्यांना मुदतवाढ.
आरोग्यमंत्री प्रकाश आबिटकर व आरोग्य सचिव ई. रवींद्रन यांचे वेधले होते लक्ष.
कुडाळ | ब्यूरो न्यूज : कुडाळ येथील महिला बाल रुग्णालयात काम करणाऱ्या ५२ कंत्राटी कर्मचाऱ्यांच्या निविदेची मुदत संपल्यामुळे महिला रुग्णालय येथे काम करणाऱ्या या कर्मचाऱ्यांचे तीन महिन्यांचे मिळून ३६ लाख रुपये वेतन अदा झाले नव्हते. सोबतच नवीन नियुक्ती किंवा मुदतवाढ मिळाली नव्हती, या पार्श्वभूमीवर आमदार निलेश राणे यांनी सार्वजनिक आरोग्यमंत्री प्रकाश आबिटकर व आरोग्य सचिव ई. रवींद्रन यांचे लक्ष वेधले होते.
मंगळवार, १४ जुलै रोजी या ५२ कर्मचाऱ्यांना मुदतवाढ मिळाली असून रखडलेले वेतनसुद्धा मिळणार आहे. सप्टेंबर पर्यंत मुदतवाढ जरी मिळाली असली तरी यावर कायमस्वरूपी तोडगा काढण्याबाबत आमदार निलेश राणे व आरोग्यमंत्री प्रकाश आबिटकर यांच्यात चर्चा सुरू आहे. सर्व कर्मचाऱ्यांच्या मागणीचा विचार करून आपल्याला मुदतवाढ मिळवून दिल्याबद्दल महिला बाल रुग्णालयातील कर्मचारी यांनी आमदार निलेश राणे यांचे आभार व्यक्त केले आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
