मालवण ग्रामीण रुग्णालयात 'आयुष आरोग्य शिबिर' संपन्न.
मालवण ग्रामीण रुग्णालयात 'आयुष आरोग्य शिबिर' संपन्न.
मालवण | ब्यूरो न्यूज : नॅशनल आयुष मिशन अंतर्गत मालवण ग्रामीण रुग्णालय येथील आयुष कक्षामार्फत सोमवार, १६ मार्च रोजी आयुष आरोग्य शिबिर संपन्न झाले. या शिबिराला नागरिकांचा उत्स्फूर्त प्रतिसाद लाभला असून विविध आजारांबाबत रुग्णांची तपासणी करण्यात आली.
या शिबिराचे उद्घाटन वैद्यकीय अधिकारी डॉ. बालाजी पाटील यांच्या हस्ते झाले. शिबिरासाठी जिल्हा रुग्णालय सिंधुदुर्ग येथील आयुर्वेद तज्ञ डॉ. योगेश गोडकर आणि होमिओपॅथी तज्ञ डॉ. राजेश पालव यांनी उपस्थित राहून रुग्णांना मार्गदर्शन व उपचार सेवा दिली.
शिबिरात संधिवात, सांधे व गुडघेदुखी, पाठदुखी, मानदुखी, त्वचारोग (खाज, खुजली, एक्झिमा), पचनाचे त्रास (अम्लपित्त, बद्धकोष्ठता), तसेच श्वसनाचे आजार (दमा, सर्दी, खोकला) यांसारख्या आजारांवर मोफत आयुर्वेदिक व होमिओपॅथी तपासणी करुन औषधांचे वितरण करण्यात आले. याशिवाय मधुमेह व उच्च रक्तदाबाबाबत मार्गदर्शन देण्यात आले. तसेच स्त्रीरोग व बालरोग संदर्भातही रुग्णांना सल्ला व आवश्यक मार्गदर्शन करण्यात आले, अशी माहिती मिळत आहे.
वैद्यकीय अधीक्षक डॉ. संजय पोळ यांनी शिबिर यशस्वीतेसाठी सहकार्य लाभलेल्या सर्वांचे आभार मानले.
सौजन्य | मालवण ब्यूरो
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
समान विभागातील बातम्या
मालवणात चिवला बीचवर स्वच्छता मोहिम.
मालवणात चिवला बीचवर स्वच्छता मोहिम.आरोग्य सभ...
