आंतरराष्ट्रीय मानवाधिकार वेल्फेअर असोसिएशन सिंधुदुर्गच्या वतीने जागतिक महिला दिनानिमित्त महिलांचा सन्मान.

सावंतवाडी | ब्यूरो न्यूज : आंतरराष्ट्रीय मानवाधिकार वेल्फेअर असोसिएशन सिंधुदुर्ग यांच्या वतीने सावंतवाडी हिंदुस्तान पॉलिमर उद्यम नगर येथे जागतिक महिला दिनानिमित्त महिलांना सन्मानित करण्यात आले. यावेळी 'हिंदुस्तान पाॅलीमार' कंपनीचे पार्टनर टी. के. मुदालीअर, आंतरराष्ट्रीय मानवाधिकार वेल्फेअर असोसिएशन सिंधुदुर्ग जिल्हाध्यक्ष मिलिंद धुरी व महिला जिल्हाध्यक्षा सौ. मानसी परब, उपाध्यक्ष आनंद कांडरकर, सरचिटणीस आर. के. सावंत, सदस्या कु‌. सिध्दी पारकर, सदस्या रेवती वालावलकर, सदस्य श्रीमती वेंगुर्लेकर, रणजित जाधव आदी उपस्थित होते.

यावेळी मार्गदर्शनपर मनोगत व्यक्त करताना महिला जिल्हाध्यक्षा सौ. मानसी परब यांनी महिलांचे जीवन व समाजात परिवर्तन यासाठी महिलांना प्रत्येक क्षेत्रातिल वाटचालीसाठी आत्मविश्वासपूर्ण पुढाकाराचा' विशेष मंत्र दिला.

यावेळी संबोधित करताना सरचिटणीस आर. के. सावंत म्हणाले की महिला दिन हा केवळ एका दिवसा पुरता मर्यादित नाही तर हा महिलांचे हक्क, सन्मान सशक्तीकरणासाठीचा संदेश देणारा दिवस आहे‌. महिलांचे प्रत्येक क्षेत्रात सहभाग 

आणि योगदान महत्त्वाचे आहे.

महिलांच्या सन्मानाला प्रातिनिधिक संबोधन व्यक्त करताना कु. भक्ती मठकर यांनी सर्वांचे सहकार्य व पाठिंबा याबद्दल कृतज्ञता व्यक्त केली.

कार्यक्रमाचे सूत्रसंचालन आनंद कांडरकर यांनी केले आणि रणजित जाधव यांनी आभार प्रदर्शन केले.