फीन ॲलनच्या 'गॅलन'भर षटकार व विक्रमी शतकासह न्यूझीलंड टी - २० विश्वचषकाच्या अंतिम फेरीत...!

क्रीडा : न्यूझीलंडचा सलामीवीर फीन ॲलनच्या ३३ चेंडूतील '८ षटकारांसह' ठोकलेल्या विक्रमी शतकासह टी - २० विश्वचषक २०२६ मधील पहिल्या उपांत्य सामन्यात न्यूझिलंडने दक्षिण आफ्रिकेच्या गोलंदाजीला संपूर्ण निष्प्रभ करत अंतिम फेरीत प्रवेश केला. कोलकाता ईडन गार्डन येथे रंगलेल्या पहिल्या उपांत्य सामन्यात न्यूझिलंडचा संघ दक्षिण आफ्रिकेच्या १६९ धावांचा पाठलाग करत होता.

न्यूझीलंड संघाने स्पर्धेत अजिंक्य राहिलेल्या दक्षिण आफ्रिका संघावर एकतर्फी विजय मिळवला आहे. हा विजय तब्बल ९ बळी आणि ४७ चेंडू राखून मिळवलेला विजय आहे.

संघाचे सलामीवीर फिन एलन व टीम सेफर्ट संघाच्या विजयाचा मार्ग तयार करून दिला. फिन एलनने बाराव्या षटकाच्या अखेरच्या चेंडूवर टी - २० विश्वचषकातील विक्रमी शतक झळकावत संघाचा विजय निश्चित केला.

दक्षिण आफ्रिकेच्या संघाने संपूर्ण स्पर्धेत एकही सामना गमावला नव्हता, त्यामुळे सेमीफायनल जिंकण्यासाठी संघ 'फेव्हरेट' मानला जात होता पण न्यूझीलंडने त्यांना धक्का दिला.  न्यूझीलंड संघाने प्रथम शिस्तबद्ध गोलंदाजी करताना द. आफ्रिकेला १६९ धावांवर रोखलं. तर प्रत्युत्तरात १२.५ षटकांत १७० धायांचा यशस्वी पाठलाग करत हा विक्रमी विजय मिळवला.

दक्षिण आफ्रिकेने दिलेल्या १७० धावांच्या लक्ष्याचा पाठलाग करताना न्यूझीलंड संघाची वादळी सुरूवात झाली. सामनावीर फिन एलन व टीम सेफर्ट यांनी पहिल्या विकेटसाठी ११७ धावांची विक्रमी भागीदारी रचली. यासह किवींनी पॉवरप्लेमध्ये एकही विकेट न गमावता ८६ धावा केल्या होत्या. सेफर्ट ३३ चेंडूत ७ चौकार व २ षटकारांसह ५८ धावा करत बाद झाला. पण सामनावीर फिन ॲलनने विक्रम रचत ३३ चेंडूत १० चौकार व ८ षटकारांसह शतकी खेळी साकारली आणि त्याला रचिन रवींद्रने १३ धावा करत साथ दिली.

आता क्रिकेट चाहत्यांच्या नजरा, मुंबई येथील भारत विरुद्ध इंग्लंड मधल्या पुढच्या उपांत्य सामन्याकडे लागलेल्या आहेत.