विरण येथे संपन्न क्रिकेट स्पर्धेचे ज्येष्ठ उद्योजक अनिल कांदळकर यांच्या हस्ते मान्यवरांच्या उपस्थितीत उद्घाटन.

पोईप | प्रतिनिधी : मालवण तालुक्यातील जय हनुमान मित्र मंडळ विरण बाजार पेठ आयोजित स्पेशल प्रीमियर लीगचे उद्घाटन माजी वित्त बांधकाम सभापती तथा ज्येष्ठ उद्योजक अनिल कांदळकर यांच्या हस्ते फीत कापून करण्यात आले. यावेळी माजी सरपंच दत्ताराम उर्फ आपु आंबेरकर, उद्योजक सुरेश नेरुरकर, जेष्ठ कार्यकर्ते विलास पांजरी, कमलेश प्रभु, सरपंच शमिका वाडकर, पं. स. मालवण सभापती सौ. प्रज्ञा भाऊ चव्हाण, उपतालुकाप्रमुख भाऊ चव्हाण, बाबु वाडकर, तालुका संपर्क प्रमुख पंकज वर्दम, पोलिस पाटील निनाद माडये, माजी सैनिक जगदीश आंबेकर, चेतन पांजरी, पंडित प्रांजरी व या स्पर्धेत सहभागी झालेल्या क्रिकेट संघातील खेळाडू व क्रिकेट प्रेमी मोठ्या संख्येने उपस्थित होते.

ही स्पर्धा २५ व २६ या कालावधीत संपन्न झाली आणि यात आकर्षक चषक व बक्षिसे देण्यात आली. ह्या स्पर्धेला मिळालेल्या प्रतिसादाबद्दल उद्योजक अनिल कांदळकर यांनी सहभागी स्पर्धक संघ, प्रेक्षक तसेच आयोजकांची प्रशंसा केली.