तारकर्ली क्रिकेट क्लबचा क्रिकेट तपस्वी पुरस्कार दांडी येथील भरत सारंग यांना जाहीर.

मालवणच्या टोपीवाला बोर्डिंग ग्राऊंडवर ५ मार्च रोजी पुरस्कार वितरण.

तारकर्ली क्रिकेट क्लबच्या वतीने गोविंद उर्फ बंटी केरकर यांची माहिती.

मालवण : मालवण तालुक्यातील 'तारकर्ली क्रिकेट क्लब' 'कै. गोपाळकृष्ण केळूसकर यांच्या स्मरणार्थ दिला जाणारा 'क्रिकेट तपस्वी' पुरस्कार, यंदा मालवण दांडी येथील श्री. भरत सारंग यांना जाहीर करण्यात आला आहे. क्रिकेटसाठी तन, मन आणि धन अर्पिणाऱ्या व्यक्तीस हा पुरस्कार दिला जातो. गतवर्षी हा पुरस्कार देवबाग येथील श्री विष्णु उर्फ दादू रेवंडकर यांना प्रदान करण्यात आला होता.

श्री. भरत सारंग यांनी नव्वदच्या दशकात 'भरत इलेव्हन, दांडी ' या संघाची स्थापना करून दांडी भागातील खेळाडूना या संघात खेळण्याची संधी दिली होती. त्या संघाने अनेक स्पर्धा जिंकून नावलौकिक मिळवला होता. आजही भरत सारंग 'मैदानावर उपस्थित राहून' दांडी संघाला प्रोत्साहन देतात.

शाल, श्रीफळ, सन्मानचिन्ह आणि रोख रक्कम असे या पुरस्काराचे स्वरूप असून येत्या ५ मार्च रोजी मालवणच्या टोपीवाला बोर्डिंग मैदानावर या पुरस्काराचे वितरण केले जाणार आहे अशी माहिती तारकर्ली क्रिकेट क्लबच्या वतीने गोविंद उर्फ बंटी केरकर यांनी दिली आहे.