शिवसेनेच्या वतीने किल्ले सिंधुदुर्ग येथे शिवजयंतीचे आयोजन.
शिवसेनेच्या वतीने किल्ले सिंधुदुर्ग येथे शिवजयंतीचे आयोजन.
कुडाळ - मालवण मतदारसंघाचे आमदार निलेश राणे व शिवसेना जिल्हाप्रमुख दत्ता सामंत यांची प्रमुख उपस्थिती.
मालवण : शिवसेना पक्षाच्या वतीने महाराष्ट्र राज्याचे आराध्य दैवत छत्रपती शिवाजी महाराज यांच्या जयंती उत्सवाचे आयोजन करण्यात आले आहे. गुरुवार, १९ फेब्रुवारी २०२६ रोजी किल्ले सिंधुदुर्ग येथील शिवराजेश्वर मंदिरात सकाळी ९:०० वाजता कुडाळ - मालवण मतदारसंघाचे आमदार निलेश राणे, शिवसेना जिल्हाप्रमुख दत्ता सामंत यांच्या प्रमुख उपस्थितीत शिवजयंती उत्सव संपन्न होणार आहे.
या उत्सवासाठी, मालवण बंदर जेटी येथे मालवण तालुक्यातील शिवसेना पदाधिकारी, जिल्हा परिषद सदस्य, पंचायत समिती सदस्य, नगरसेवक, कार्यकर्ते, युवासेना पदाधिकारी, शिवसैनिक व शिवप्रेमी यांनी सकाळी ९:०० वाजता उपस्थित रहावे, असे आवाहन तालुकाप्रमुख मंदार लुडबे, विनायक बाईत, मधुरा तुळसकर, शहरप्रमुख दीपक पाटकर, युवासेना जिल्हाप्रमुख संग्राम साळसकर, युवतीसेना जिल्हाप्रमुख सोनाली पाटकर, मालवण न. प. नगराध्यक्षा सौ. ममता वराडकर, युवासेना तालुकाप्रमुख स्वप्नील गावडे, अभी लाड व शहर संघटक राजू बिडये यांनी केले आहे. श्री. कमलाकर उर्फ भाई मांजरेकर यांनी सामाजिक मंचावरील डिजीटल संदेशाद्वारे ही माहिती दिली आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
