मालवणात बॅरिस्टर नाथ पै सेवांगण येथे १९ फेब्रुवारीला डॉ. आंबेडकर जीवनदर्शन स्पर्धा परीक्षा बक्षीस वितरण.

प्रकाशन: 15 Feb 2026 07:44 PM

वाचन संख्या 152

आवाहन, बातम्या, मालवण, सामाजिक, सुयोग पंडित (मुख्य संपादक)

शेअर करा: Facebook Twitter WhatsApp Telegram

मालवण | प्रतिनिधी : बॅरिस्टर नाथ पै सेवांगण, मालवण यांच्यावतीने डॉ. बाबासाहेब आंबेडकर जीवनदर्शन स्पर्धा परीक्षा आयोजित करण्यात आली होती. या स्पर्धेत सहभागी झालेल्या मालवण शहर व परिसरातील शाळांमधील विजेत्या विद्यार्थ्यांचा बक्षिस वितरण सोहळा १९ फेब्रुवारी रोजी सायंकाळी ४ वाजता बॅरिस्टर नाथ पै सेवांगण, मालवण येथे आयोजित करण्यात आला आहे.

या कार्यक्रमाला सेवानिवृत्त गटविकास अधिकारी मिलिंद जाधव, सामाजिक न्याय विभाग व बार्टीचे मालवण तालुका समतादूत संग्राम कासले उपस्थित राहणार आहेत.

या कार्यक्रमासाठी सर्वांनी उपस्थित राहावे असे आवाहन बॅरिस्टर नाथ पै सेवांगण, मालवण यांच्यावतीने अध्यक्ष ॲड. देवदत्त परुळेकर, कोषाध्यक्ष शैलेश खांडाळेकर, कार्याध्यक्ष किशोर शिरोडकर, कार्यवाह लक्ष्मीकांत खोबरेकर तसेच बॅरिस्टर नाथ पै सेवांगण व्यवस्थापक संजय आचरेकर आणि बॅरिस्टर नाथ पै सेवांगण व्यवस्थापन, परिवाराच्या वतीने करण्यात आले आहे.

या कार्यक्रमासाठी या परीक्षेतील यशस्वी विद्यार्थी, त्यांचे पालक तसेच त्यांच्या शाळेचे प्रतिनिधी यांना उपस्थित राहायचे आवाहन करण्यात आले आहे.

विभाग:

आवाहन बातम्या मालवण सामाजिक सुयोग पंडित (मुख्य संपादक)

(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)