मालवणात १८ ऑक्टोबर रोजी सकल हिंदू समाजातर्फे आयोजित ‘दुर्गा माता दौड' मध्ये सहभागाचे आवाहन.

छत्रपती शिवरायांच्या हिंदवी स्वराज्य स्थापनेच्या 'तत्व - सत्व आणि कर्तृत्व' जाणीवांसह पवित्र हिंदू धर्म, समृद्ध भारतीय संस्कृती, राष्ट्रप्रेम, जीवनमूल्ये आणि जाणीवांचा जागर होणार.

मालवण | प्रतिनिधी : सिंधुदुर्ग जिल्ह्यातील मालवण शहरात, सकल हिंदू समाजाच्या वतीने रविवार, दिनांक १८ ऑक्टोबर २०२६ रोजी ‘दुर्गा माता दौड’ कार्यक्रमाचे आयोजन करण्यात आले आहे. सकाळी ८.३० वाजता मालवण शहरातील रामेश्वर कॉम्प्लेक्ससमोरील 'दुर्गा देवी' मंदिरापासून या दौडला सुरुवात होणार असून, सिंधुदुर्ग किल्ल्यासमोरील जेटीवर समारोप होणार आहे. या दुर्गा माता दौड मध्ये मोठ्या संख्येने सहभागी व्हावे, असे आवाहन आयोजक सकल हिंदू समाजाच्या वतीने करण्यात आले आहे.

ह्या 'दुर्गा माता दौड' च्पा' माध्यमातून पवित्र हिंदू धर्म, समृद्ध भारतीय संस्कृती आणि उच्च जीवनमूल्यांची तरुण पिढीमध्ये जनजागृती करण्याचा उद्देश आहे. या पवित्र पर्वाच्या माध्यमातून माता दुर्गेचे सामर्थ्य, तिच्या शक्तिरूपाची प्रेरणा आणि छत्रपती शिवाजी महाराजांच्या अद्वितीय पराक्रमाचा वारसा जनमानसात रुजविण्याचा संकल्प या उपक्रमातून करण्यात येत असून याद्वारे 'हिंदवी स्वराज्य स्थापना' तत्व - सत्व आणि कर्तृत्व जाणीवांचा जागर होणार आहे.

राष्ट्रप्रेम, शिस्त व सुसंस्कारांचे उत्तरदायित्व तसेच सात्विक सक्षम युवापिढीच्या शाश्वत जागृती साठी 'दुर्गा माता दौड' मध्ये सहभागी व्हायचे आवाहन करण्यात आले आहे.