नाणीज येथे जगद्गुरू रामानंदाचार्य स्वामी नरेंद्राचार्य महाराज यांच्या हस्ते दसर्‍याच्या मुहूर्तावर ‘सनातन पंचांग २०२७’ मराठी ॲपचे लोकार्पण.

नाणीज : श्री क्षेत्र नाणीज येथे जगद्गुरु रामानंदाचार्य स्वामी नरेंद्राचार्य महाराज यांच्या हस्ते दसर्‍याच्या शुभमुहूर्तावर दिनांक २० ऑक्टोबर २०२६ या दिवशी ‘सनातन पंचांग २०२७’ या मराठी ॲपचे लोकार्पण करण्यात आले. या प्रसंगी त्यांनीहे अतिशय सुंदर प्रकारचे पंचांग ॲप असल्याची प्रशंसा केली असून हे ‘सनातन पंचांग’ खूप चांगले असून अतिशय उपयुक्त असल्याचेही स्पष्ट करत अधिकाधिक लोकांनी त्याचा लाभ घ्यायचे आवाहन केले. स्वामीजींनी ‘सनातन पंचांग’ सात भाषांमध्ये उपलब्ध असल्याचे आवर्जून सांगत त्यांनी स्वतःच्या भ्रमणभाषवर हो ॲप लगेचच डाऊनलोडही करून घेतले. या वेळी स्‍वामीजींच्या हस्ते शुभदिनी या ॲपचे लोकार्पण झाले, याबद्दल ‘सनातन पंचांग’ समूहाच्या वतीने त्यांच्या चरणी कृतज्ञता व्यक्त करण्यात आली. या ‍वेळी ‘सनातन पंचांग’ समूहाच्या वतीने श्री. गोविंद भारद्वाज, सौ. दीपा औंधकर, सौ. शुभांगी मुळ्ये आणि श्री. हनुमंत करंबेळकर हे उपस्थित होते.

‘सनातन पंचांग’ हे ॲप Android आणि iOS या दोन्ही प्रणालींवर मराठी, हिंदी, इंग्रजी, गुजराती, कन्नड, तेलुगु आणि तमिळ अशा ७ भाषांमध्ये उपलब्ध आहे. निनाद गाडगीळ यांनी याबाबत माहिती दिली असल्याचे मालवणचे श्री. अनिकेत फाटक यांनी संबंधित संदेश पत्र सामाईक करत कळवले आहे. याबाबत निनाद गाडगीळ यांच्याशी 8652090398 यांच्याशी संपर्क साधता येऊ शकेल अशीही माहिती मिळत आहे.