चिंदर येथे २० फेब्रुवारीला मोफत नेत्र तपासणी व मोतीबिंदू शस्त्रक्रिया शिबीर.

शिवजयंती निमित्त शिवसेना उद्धव बाळासाहेब ठाकरे शाखा चिंदरच्या वतीने आयोजित शिबिराचा जास्तीत जास्त जणांनी लाभ घ्यायचे आवाहन.

श्री समीर लब्दे यांची माहिती.

ब्यूरो न्यूज : शिवजयंती निमित्त शिवसेना उद्धव बाळासाहेब ठाकरे शाखा चिंदर आयोजित मोफत नेत्र तपासणी व मोतीबिंदू शस्त्रक्रिया शिबीराचे आयोजन करण्यात आले आहे. हे शिबीर शुक्रवार, २० फेब्रुवारी रोजी सकाळी १० ते दुपारी ३ या वेळेत चिंदर येथील गावठणवाडी, सातेरी मंदिर जवळील मिलिंद चिंदरकर यांच्या निवासस्थानी होणार आहे.

यावेळी नामवंत तज्ञ ऑप्टिशियन कडून संगणकीकृत तपासणी केली जाणार आहे. तसेच माफक दरात चष्मा देण्यात येईल. अधिक माहितीसाठी ८२०८०२६२२१ या क्रमांकावर संपर्क साधावा व सर्व पंचक्रोशीवासियांनी या संधीचा लाभ घ्यावा, असे आवाहन करण्यात आले आहे. पदाधिकारी समीर लब्दे यांनी या शिबिराबाबत माहिती दिली आहे.