आंगणेवाडीत माजी आमदार वैभव नाईक यांचे सपत्निक श्री देवी भराडी मातेचे दर्शन.

ब्यूरो न्यूज : लाखो भाविकांचे श्रद्धास्थान असणारी व नवसाला पावणारी देवी अशी ख्याती असलेल्या आंगणेवाडी येथील, आंगणे कुटुंबियांच्या श्री देवी भराडी देवीच्या वार्षिकोत्सवाला कुडाळ ' मालवणचे माजी आमदार वैभव नाईक यांनी सपत्नीक उपस्थिती दर्शवून भराडी मातेचे दर्शन घेतले. याप्रसंगी वैभव नाईक व सौ. स्नेहा नाईक यांनी जत्रोत्सवातील मसुरे - पोईप व आंगणेवाडी शिवसेना उद्धव बाळासाहेब ठाकरे शाखेला भेट दिली व शुभेच्छा दिल्या. यावेळी माजी जिल्हाप्रमुख भाई गोवेकर व पदाधिकारी, कार्यकर्ते आणि मान्यवर उपस्थित होते.

दरम्यान माजी आमदार वैभव नाईक व सौ. स्नेहा नाईक यांनी जिल्हा संपर्कप्रमुख अरुण दुधवडकर यांच्या माध्यमातून राबविलेल्या मोफत बिसलेरी पाणी वाटप स्टॉलला देखिल भेट दिली व पाणी वाटप केले.