माऊली कर्णबधिर निवासी विद्यालयाच्या संस्थापक अध्यक्ष रेखाताई गायकवाड यांचा गौरव. 

आंतरराष्ट्रीय मानवाधिकार दिनानिमित्त ह्युमन राईट असोसिएशन फॉर प्रोटेक्शन सावंतवाडी तालुका संघटनेच्या वतीने सन्मान. 

कणकवली | ब्यूरो न्यूज : आंतरराष्ट्रीय मानवाधिकार दिनाचे औचित्य साधून ह्युमन राईट असोसिएशन फॉर प्रोटेक्शन सावंतवाडी तालुका संघटनेच्या वतीने माऊली कर्णबधिर निवासी विद्यालय आरोस- दांडेली, तालुका वेंगुर्ला, जिल्हा सिंधुदुर्ग या संस्थेच्या संस्थापक अध्यक्ष श्रीमती रेखाताई गायकवाड यांचा संघटनेच्या वतीने सन्मानचिन्ह व गुलाबपुष्प देऊन गौरव करण्यात आला.

यावेळी संघटनेचे कोकण विभागीय अध्यक्ष संतोष नाईक, जिल्हाध्यक्ष सुधीर धुरी, जिल्हा उपाध्यक्ष तन्वीर खतीब, जिल्हा महिला संघटक सौ. शिवानी पाटकर, सावंतवाडी तालुका अध्यक्ष सोहन शारबिंद्रे, कार्याध्यक्ष सौ. मोहिनी मडगावकर, सह सचिव नितीन नाईक, सावंतवाडी तालुका महिला संघटक सौ. रेश्मा परब, उद्योजक महेंद्र चव्हाण, सौ. पूजा नाईक, सानिका मडगावकर, सौ. सुमेधा मडगावकर, डॉ. सौ. अर्चना चव्हाण तसेच विद्यालयाचे शिक्षक व शिक्षकेतर कर्मचारी, विद्यार्थी उपस्थित होते.

यावेळी या विद्यालयातील कर्णबधिर व मूकबधिर ७० विद्यार्थ्यांना संघटनेच्या वतीने ब्लँकेट व खाऊ वाटप करण्यात आले.