चौके येथील भराडी देवी मंदिर परिसराची श्रमदानातून स्वच्छता. 

ग्रामपंचायत, देवस्थान कमिटी व ग्रामस्थांचा सहभाग. 

मालवण | ब्यूरो न्यूज : शासनाच्या स्वच्छोत्सव उपक्रमांतर्गत मंदिर परिसराची श्रमदानातून स्वच्छता करण्याबाबत जिल्हा प्रशासनाकडून ग्रामपंचायतींना प्राप्त सूचनेनुसार चौके ग्रामपंचायतीच्या वतीने चौके येथील श्री देवी भराडी मंदिर परिसरात स्वच्छता मोहीम राबविण्यात आली. या शिबिरात ग्रामपंचायत पदाधिकारी, कर्मचारी, देवस्थान कमिटी पदाधिकारी, प्रतिष्ठित व्यक्ती व ग्रामस्थ आणि सेवाभावी संस्था यांच्या श्रमदानातून मंदिर परिसर स्वच्छ करण्यात आला.

सिंधुदुर्ग जिल्हा हा स्वच्छ व पर्यटन जिल्हा असून जिल्ह्यातील ग्रामपंचायत कार्यक्षेत्रातील मंदिर परिसर, देवस्थाने, धार्मिक स्थळे येथेही पर्यटक व भाविक भेट देतात. यातून मंदिर परिसरामध्ये कचरा प्लास्टिक कागद, कोरडे गवत, पान फुलांचे अवशेष इत्यादींचा साठा वाढत जातो. अशा परिस्थितीत पर्यावरणीय स्वच्छता, सार्वजनिक आरोग्य, सौंदर्यकरण तसेच धार्मिक पावित्र्य या सर्व दृष्टीने मंदिर परिसर स्वच्छ आणि पवित्र राहणे केवळ धार्मिकदृष्ट्यात नव्हे तर समाज आरोग्य, पर्यटन विकास आणि ग्रामविकासाच्या दृष्टीकोनातूनही अत्यंत महत्त्वाचे असल्याने मंदिर परिसर स्वच्छतेच्या सूचना जिल्हा प्रशासनाकडून देण्यात आल्या होत्या. त्यानुसार चौके ग्रामपंचायतीतर्फे भराडी भराडी मंदिर परिसरात स्वच्छता मोहीम राबविण्यात आली. 

यावेळी चौके सरपंच पी.के. चौकेकर ग्रामपंचायत तंटामुक्ती अध्यक्ष नितीन गावडे, देवस्थान कमिटीचे पदाधिकारी पत्रकार संतोष गावडे, बिजेंद्र गावडे, दत्ता गावडे,ग्रामपंचायत सदस्य दुलाजी चौकेकर, आशा स्वयंसेविका सौ. सिद्धाली गावडे, माजी सरपंच सचिन आंबेरकर, माजी सरपंच मधुकर चौकेकर, ग्रामपंचायत अधिकारी सरमळकर, महेश सावंत, अनिकेत घोगळे उदय गावडे, रामचंद्र बुधाजी चौकेकर, अनंत चौकेकर, नामदेव चौकेकर, शिवाजी गावडे, हरिश्चंद्र गावडे, संजय गावडे, संजय गावडे, ग्रामपंचायत कर्मचारी आनंद सावंत, दीपक चौकेकर, गोपी मांजरेकर, गुरूप्रसाद गावडे आदी उपस्थित होते.