मालवणात चिवला बीचवर स्वच्छता मोहीम.

आरोग्य सभापती पूनम चव्हाण यांची संकल्पना व मार्गदर्शन तसेच बांधकाम सभापती तथा लायन्स क्लब अध्यक्ष सहदेव बापार्डेकर व लायन्स क्लबचे सदस्य, मालवण नगरपरिषदेचे अधिकारी व कर्मचारी आणि स्थानिक नागरिकांच्या सहभागातून संपन्न मोहीमेत ५०० टन कचरा संकलित.

मालवण | ब्यूरो न्यूज : मालवणात चिवला बीचवर, ११ ऑगस्ट २०२६ रोजी सकाळी ७ ते ९ या वेळेत विशेष स्वच्छता मोहीम राबविण्यात आली. मालवण नगरपरिषद आरोग्य सभापती पूनम चव्हाण यांची संकल्पना व मार्गदर्शनाखाली तसेच बांधकाम सभापती तथा लायन्स क्लब अध्यक्ष सहदेव बापार्डेकर यांच्या सहभागाने ही मोहीम राबविण्यात आली. या मोहिमेत ५०० किलो कचरा संकलित करण्यात आला. चिवला बीच परिसरातील प्लास्टिक, कचरा व इतर घाण गोळा करून परिसर स्वच्छ करण्यात आला. लायन्स क्लबचे सदस्य, मालवण नगरपरिषदेचे अधिकारी व कर्मचारी तसेच स्थानिक नागरिक यांचा या मोहिमेत सहभाग होता.

पर्यटनासोबत स्थानिक नागरीकांचे रोजगार, लहान मुलांचे 'विना मोबाईलचे' खेळ व विरंगुळा, सहकुटुंब शांतता मिळवण्याचे नैसर्गिक भाग्याचे ठिकाण आणि प्रत्येक शहर वासियाचा अभिमान असलेले मालवणचे विविध पर्यटन किनारे व लगतच्या परिसरांची होणारी स्वच्छता ही आरोग्य व सर्वांगीण दैनंदिन जीवनासाठी उपयुक्त आहे आणि याची गरज लक्षात घेऊन मालवण नगरपरिषद व संबंधितांच्या वतीने संपन्न झालेल्या ह्या मोहीमेबद्दल अनेकांनी कृतज्ञतापर समाधान व्यक्त केले आहे.