मळगाव इंग्लिश स्कूलचा २८ डिसेंबर रोजी माजी विद्यार्थी स्नेह मेळावा.
मळगाव इंग्लिश स्कूलचा २८ डिसेंबर रोजी माजी विद्यार्थी स्नेह मेळावा.
मळगाव इंग्लिश स्कूल माजी विद्यार्थी परिवारातर्फे आयोजन.
सावंतवाडी | ब्यूरो न्यूज : मळगाव इंग्लिश स्कूल माजी विद्यार्थी परिवारातर्फे मळगाव इंग्लिश स्कूल मळगाव येथे रविवार २८ डिसेंबर रोजी, सकाळी १०.०० ते सायंकाळी ४.०० या वेळेत भव्य माजी विद्यार्थी स्नेह मेळाव्याचे आयोजन करण्यात आले आहे. हा सोहळा प्रशालेच्या प्रांगणात आयोजीत होत आहे.
स्नेहमेळाव्याची सुरुवात सकाळी ९ वाजता उपस्थिती नोंदवून होणार आहे. त्यानंतर दीपप्रज्वलन व सरस्वती पूजन, स्वागतपर भाषण, माजी विद्यार्थ्यांचे मुक्त संवाद सत्र, सेवानिवृत्त मुख्याध्यापक, शिक्षक व कर्मचाऱ्यांचा गौरव - सत्कार आणि स्नेहभोजन असे विविध कार्यक्रम संपन्न होणार आहेत.
सायंकाळी ४ वाजेपर्यंत चालणाऱ्या या सोहळ्यात मळगाव इंग्लिश स्कूलच्या सर्व माजी विद्यार्थ्यांनी मोठ्या संख्येने उपस्थित राहून कार्यक्रमाची शोभा वाढवावी आणि शालेय जीवनातीलआठवणींची उजळणी करण्याची ही संधी गमावू नये, असे आवाहन माजी विद्यार्थी परिवारातर्फे करण्यात आले आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
