कबड्डीपटू विराज मर्गजची मुंबई उपनगर संघात निवड.

कबड्डीपटू विराज मर्गजची मुंबई उपनगर संघात निवड.

मसुरे | प्रतिनिधी : पुणे येथे होणाऱ्या ५२ व्या कुमार गट राज्य अजिंक्यपद निवड चाचणी स्पर्धेसाठी मुंबई उपनगर (पूर्व )कबड्डी संघात मूळ कुडाळ तालुक्यातील पांग्रड गावचा राहिवासी व सध्या भांडुप मुंबई येथील विराज प्रल्हाद मर्गज याची निवड झाली आहे. ही स्पर्धा २७ ते २९ नोव्हेंबर या कालावधीत संपन्न होणार आहे.

शिस्तबद्ध सराव, कष्ट आणि उत्कर्ष क्रीडा मंडळ, भांडुप येथे मिळालेले प्रशिक्षण, प्रशिक्षकांचे मार्गदर्शन यामुळे हे यश मिळाले असल्याची प्रतिक्रिया विराज मर्गज याने दिली आहे. विराजच्या निवडी बद्दल विविध स्तरातून अभिनंदन होत आहे.