पोईप हायस्कूलचे येथे वार्षिक स्नेहसंमेलन उत्साहात.

प्रमुख पाहुणे डाॅ. प्रसाद देवधर यांचे विशेष मार्गदर्शन.

पोईप | प्रतिनिधी : पोईप सर्कल एज्युकेशन सोसायटी संचालित सौ. इं. द. वर्दम हायस्कूल व कनिष्ठ महाविद्यालयाचे वार्षिक स्नेहसंमेलन व विद्यार्थी गुणगौरव कार्यक्रम नुकताच संपन्न झाला. 

यावेळी कार्यक्रमाचे प्रमुख पाहुणे डॉ. प्रसाद देवधर, उद्योजक सुरेश नेरुरकर, पोईप ग्रामपंचायत सरपंच श्रीधर नाईक, पोईप सर्कल एज्युकेशन सोसायटी अध्यक्ष अनिल कांदळकर, उपाध्यक्ष गोपीनाथ पालव, राठिवडे सरपंच दिव्या धुरी, संस्था संचालक विलास माधव, श्रीकृष्ण माधव, महेश पालव, सत्यवान पालव, नितीन नाईक, मुख्याध्यापक विकास कुंभार आदी मान्यवर उपस्थित होते. 

यावेळी प्रमुख डाॅ. प्रसाद देवधर यांनी शेती, दुग्धव्यवसाय, कुक्कुटपालन याविषयी माहिती दिली आणि मानसीक आरोग्यविषयक विशेष मार्गदर्शन केले. यावेळी मुलांचे विविध गुणदर्शनपर कार्यक्रम सादर झाले.

संपूर्ण कार्यक्रमाला मुख्याध्यापक विकास कुंभार यांच्या मार्गदर्शनाखाली सहाय्यक शिक्षक दत्तात्रय कारंडे, विष्णू महाजनी, संतोष तावडे, केतकी सावंत, ऋतुजा राऊळ, प्रसाद चव्हाण, शिक्षकेतर कर्मचारी विठोबा माधव, नंदकिशोर तावडे, अभिजीत धुरी यांनी योगदान व सहकार्य केले. कार्यक्रमाचे सूत्र संचालन प्रसाद चव्हाण व केतकी सावंत यांनी केले.