श्री दत्त जयंती उत्सवानिमित्त श्री दत्त मंदिर, भरड येथे विविध कार्यक्रमांचे आयोजन. 

मालवण : श्री दत्त जयंती उत्सव २०२५ निमित्त मालवण भरड येथील श्री दत्त मंदिरात विविध कार्यक्रमांचे आयोजन करण्यात आले आहे. बुधवार, ३ डिसेंबर रोजी सायंकाळी ६:०० वाजता अभंग, नाट्यगीते यांचा 'स्वरानुभूती' कार्यक्रम होणार आहे. सादरकर्त्या प्रसिद्ध गायिका धनश्री कुलकर्णी, पुणे व सहगायिका सौ. रमा काजरेकर यांना श्री. भालचंद्र केळुसकर यांची ऑर्गनची साथ मिळणार असून चंद्रकांत निगडे (हार्मोनिअम साथ), प्रसाद मेस्त्री ( तबलासाथ) व प्रभूदास आजगांवकर (मृदुंगसाथ) यांचा साथ सहभाग असणार आहे. 

गुरुवार, ४ डिसेंबर रोजी श्री. वासुदेव (बाळू) काजरेकर गुरुजी सायंकाळी ५:०० वाजता पुराण वाचन करणार आहेत. तसेच ह. भ. प. सौ. मेधा शेवडे यांचे सायंकाळी ५:३० वाजता कीर्तन होणार आहे. सायंकाळी ६:४५ वाजता श्री दत्त महाराजांचा जन्मोत्सव होऊन ७:४५ वाजता पालखी प्रदक्षिणा सोहळा व आरती होईल. 

शुक्रवार, ५ डिसेंबर रोजी सायंकाळी ७ वाजता बाळकृष्ण दशावतार नाट्यमंडळ, कोळंब - मालवण यांचा दशावतारी नाट्यप्रयोग होणार आहे. शनिवार, ६ डिसेंबर रोजी सायंकाळी ७ ते ८:३० रागेश्री पारकर पुरस्कृत 'भक्तिरंग' हा पारंपारिक शास्त्रीय भरतनाट्यम् नृत्याविष्कार सायली वाळके व मानसी पराडकर सादर करणार आहेत. तसेच रात्री १० वाजता 'कुर्ला टू वेंगुर्ला' हा मराठी चित्रपट दाखवण्यात येईल. 

कार्यक्रमांना उपस्थितीचे आवाहन श्री दत्त मंदिर, भरड मंडळाच्या वतीने करण्यात आले आहे.