हडी येथे ज्येष्ठ नागरिक सेवा संघातर्फे अविरत १९ व्या वर्षी गुणवंत विद्यार्थ्यांचा वार्षिक गुणगौरव समारंभ संपन्न.

पोईप | प्रतिनिधी :  फेस्कॉम संलग्न जेष्ठ नागरिक सेवा संघ हडीच्या वतीने गावातील दहावी, बारावी, पदवी, स्पर्धा परीक्षा यातील ७० गुणवंत विद्यार्थ्यांचा वार्षिक गुणगौरव कार्यक्रम हडी जठारवाडी शाळा येथे आयोजित करण्यात आला. हे या उपक्रमाचे अविरत १९ वे वर्ष ठरले.

कार्यक्रमाचा प्रारंभ साने गुरुजींच्या प्रार्थनेने झाला. यावेळी यावेळी माजी सभापती उदय परब, अध्यक्ष देविदास सुर्वे, सचिव सुभाष वेंगुर्लेकर, कोषाध्यक्ष प्रभाकर सुतार, सल्लागार चंद्रकांत पाटकर, किशोर नरे, कृषी सेवक विवेक रंगे, सोनाली कदम, शिक्षिका श्रीमती कुबल,श्रीमती मालंडकर, ओझर हायस्कूल मुख्या. दीपक जाधव, सदस्य नंदकुमार पाटील, प्रज्ञा तोंडवळकर, सीमा शेटये, दिनकर सुर्वे, नंदकुमार पाटील, रमेश कावले, गुरुनाथ गावकर, प्रभाकर चिंदरकर, किशोर नरे, राणे सर, आंगणे मॅडम, पोलीस पाटील तृप्ती हडकर, दिनेश सुर्वे, श्रीमती पांजरी तसेच ज्येष्ठ नागरिक ग्रामस्थ उपस्थित होते.

मान्यवरांनी उपस्थितांना संबोधित केले. अध्यक्ष देविदास सुर्वे यांनी सर्वाँचे स्वागत केले.  प्रस्ताविक व आभार प्रदर्शन चंद्रकांत पाटकर यांनी केले. फेस्कॉम संलग्न जेष्ठ नागरिक सेवा संघ हडी यांच्या उपक्रमाच्या अविरत १९ वर्षांच्या यशस्वितेची विविध स्तरातून प्रशंसा करण्यात येत आहे.