मळगावात ग्रामविकास परीवर्तन सेनेच्या बैठकीत गावात ‘१००% परिवर्तन’चा नारा.

मळगाव | प्रतिनिधी : मळगाव ग्रामविकास परीवर्तन सेनेची बैठक, २५ ऑक्टोबर २०२५ रोजी सायंकाळी खानोलकर हॉल येथे संपन्न झाली. या बैठकीला ग्रामस्थांनी मोठ्या संख्येने उपस्थित होते आणि 'गावाच्या विकासासाठी एकजुटीचा निर्धार व्यक्त झाला आहे,' अशी माहिती मिळत आहे.

बैठकीदरम्यान गावातील रस्ते, पाणीपुरवठा, वीज समस्या, घरपट्टी तसेच विद्यमान ग्रामपंचायत कार्यप्रणालि आणि कर्मचाऱ्यांच्या पगार, विद्यमान कार्यकारिणीच्या कारभार याबाबत 'विशेष' चर्चा झाली. 

यावेळी ग्रामविकास परीवर्तन सेनाच्या कार्यकर्त्यांनी आगामी स्थानिक स्वराज्य संस्थांच्या निवडणुकीत ठामपणे भूमिका घेण्याचा संकल्प व्यक्त केला. 'गावात १००% परिवर्तन घडवून आणूच' अशा घोषणा देण्यात आल्या.

बैठकीस ग्रामविकास परीवर्तन सेना निमंत्रक पांडुरंग राऊळ, महेश खानोलकर, राजन पटेकर, गुरुनाथ गावकर, विलास मळगावकर, बाप्पा नाटेकर, नितेश तेली, सिद्धेश आजगावकर, प्रसाद गावकर, शेखर राऊळ, मनोज राऊळ, अशोक गावकर, निखिल पुळास्कर, अनिकेत राऊळ, लवू राऊळ यांच्यासह गावातील अनेक युवक आणि ग्रामस्थ उपस्थित होते.

या बैठकीतून ग्रामविकास परीवर्तन सेनेने मळगावातील विकासाच्या नव्या पर्वाची सुरूवात केल्याने ग्रामस्थांमध्ये उत्साहाचे वातावरण निर्माण झाले आहे असे समजते आहे.