जिल्हास्तरीय शालेय बास्केटबॉल स्पर्धेत जय गणेश इंग्लिश मिडियम स्कूलचे यश. 

मालवण | ब्यूरो न्यूज : सिंधुदुर्ग जिल्हास्तरीय शालेय बास्केटबॉल स्पर्धेत जय गणेश इंग्लिश मिडियम स्कूल, मालवणने यश मिळवले. या स्पर्धेत प्रथम आलेल्या सर्व संघांची सातारा येथे होणाऱ्या कोल्हापूर विभागस्तरीय स्पर्धेसाठी निवड झाली आहे. विद्यार्थ्यांच्या या निवडीबद्दल सर्व स्तरतून कौतुक केले जात आहे.

सिंधुदुर्ग जिल्हास्तरीय शालेय बास्केटबॉल स्पर्धा १६ ऑक्टोबर २०२५ रोजी अ. शि. दे. टोपीवाला हायस्कूल, मालवण येथे घेण्यात आली होती. या स्पर्धेत जय गणेश इंग्लिश मीडियम स्कूलने १४ वर्ष मुलगे, १४ वर्ष मुली आणि १७ वर्ष मुली या गटात प्रथम क्रमांक प्राप्त केला. तसेच १७ वर्ष मुलगे या गटात द्वितीय क्रमांक मिळविला. स्पर्धेत प्रथम आलेल्या सर्व संघांची सातारा येथे होणाऱ्या कोल्हापूर विभागस्तरीय स्पर्धेसाठी निवड झाली आहे.

प्रशालेच्या विजेत्या संघामध्ये सहभागी खेळाडूंमध्ये १४ वर्ष मुलगे अर्णव हडकर, यश आंबेरकर, भगवान धुरी, रुद्र कांबळी, हर्ष खराडे, सोहम कुमावत, मयंक मयेकर, मंथन दळवी, प्रणव गवंडी, निल धुरी, चिन्मय शेट्ये व राजहंस जाधव यांचा समावेश आहे. 

१४ वर्ष मुलींमध्ये केतकी गांवकर, मेघना अर्लागड्डा वैष्णव, पूर्वा खवणेकर, उर्वी गोलतकर, आरुषी देशमुख, रचिता मसुरकर, मधुर्या अर्लागड्डा वैष्णव, तनिष्का गिरकर, गार्गी मेस्त्री व श्रुती गवस, १७ वर्ष मुली गटात अनन्या नाईक, श्रीया मयेकर, आस्त्रा शेख, सारा शारबिद्रे, सानिका साळगावकर, वेदा पाताडे, भक्ती दामले, प्रतिक्षा वर्दम, दिया पराडकर, चाहूल पाटकर, आर्या जानकर व रिया फाटक हे विद्यार्थी सहभागी झाले होते. 

सर्व खेळाडूंना क्रीडा शिक्षक श्री. पंकज राणे, श्री. निशाकांत पराडकर व बास्केटबॉल प्रशिक्षक श्री. दिनेश चव्हाण यांचे मार्गदर्शन लाभले. विजेत्या संघाचे मालवण एज्युकेशन सोसायटीचे सर्व पदाधिकारी, प्रशालेच्या मुख्याध्यापिका सौ. वेंगुर्लेकर, सर्व शिक्षक, शिक्षकेतर कर्मचारी, पालक यांनी अभिनंदन केले आहे.