पर्यावरणविषयक प्रशिक्षण कार्यक्रमात मालवणचे संदीप बोडवे व ऐश्वर्य मांजरेकर यांचा डेहराडून येथे सहभाग. 

मालवण | ब्यूरो न्यूज : केंद्रीय अकॅडमी राज्य वन सेवा, डेहराडून तर्फे आयोजित 'जंगले आणि वन्यजीव संवर्धनात नागरिक विज्ञानाच्या भूमिके' वरील प्रशिक्षण कार्यक्रमात मालवणचे संदीप बोडवे व ऐश्वर्य मांजरेकर यांनी सहभाग घेतला. डेहराडून येथे संपन्न झालेल्या या प्रशिक्षण म्हणून देशभरातून निवडक ३० जण सहभागी झाले होते.

या कार्यक्रमाच्या उद्घाटन सत्रात मार्गदर्शन करताना भारतीय वन्यजीव संस्थेचे संचालक गोविंद सागर भारद्वाज म्हणाले की, सध्या हवामान बदलाचे आव्हान मोठे होत आहे आणि त्याचे प्रतिकूल परिणाम समस्या वाढवत आहेत. भविष्यात पर्यावरण वाचवायचे असेल तर मुलांना बालपणा पासूनच निसर्गाचे महत्त्व शिकविले पाहिजे. नागरिक विज्ञानाशिवाय पर्यावरणाचे रक्षण अशक्य आहे. 

सेंट्रल अकादमी ऑफ स्टेट फॉरेस्ट सर्व्हिसचे प्राचार्य ई. विक्रम म्हणाले, की, या उपक्रमामुळे केवळ पर्यावरण संरक्षण मजबूत होणार नाही तर मुलांना जबाबदार नागरिक बनण्यास देखील मदत होईल. जर आपल्याला पर्यावरण वाचवायचे असेल तर लहानपणापासूनच मुलांना निसर्ग, वनस्पती आणि पक्ष्यांशी जोडले पाहिजे. त्यांचे महत्त्व स्पष्ट केले पाहिजे. मोबाईल फोन सारख्या मनोरंजनाच्या तंत्रामुळे मुले हळूहळू निसर्गापासून दूर होऊ लागली आहेत. खरेतर निसर्गाकडून बरेच शिकण्यासारखे असते. शाळेच्या चार भिंती ओलांडून मुलांना निसर्गात नेवून शिकविले पाहिजे.

या सत्रात डॉ गोविंद सागर भारद्वाज (IFS), संचालक, भारतीय वन्यजीव संस्था (डब्ल्यूआयआय), डेहराडून, ई. विक्रम (IFS), प्राचार्य, सीएएसएफओएस, डेहराडून, अंकित गुप्ता, वैज्ञानिक-सी आणि सीडी, कॅसफोस, डेहराडून, डॉ स्वप्नाली गोळे, प्रकल्प शास्त्रज्ञ, डब्ल्यूआयआय, डेहराडून, रिद्धिमा करवा, वरिष्ठ कार्यक्रम समन्वयक, अर्थियन डेहराडून, कुहेलिका बिश्त, सहयोगी संघटक, सीएसए, डेहराडून, डॉ. सौम्या प्रसाद, संस्थापक, नेचर सायन्स इनिशिएटिव्ह, डेहराडून, राम दयाल वैष्णव, प्रमुख (सीएस अँड ई), द नॅचरलिस्ट स्कूल, बेंगळुरू, तन्नू सैनी, वरिष्ठ कार्यक्रम अधिकारी, डब्ल्यूडब्ल्यूएफ-इंडिया, दिल्ली (एनडी), अभ्यासक सिपू कुमार यांनी मार्गदर्शन केले.