मालवण दांडी येथील जि. प. प्राथमिक प्रशालेच्या विद्यार्थ्यांना शैक्षणिक साहित्य तसेच इनडोअर क्रीडा साहित्याचे वितरण.

मालवण | प्रतिनिधी : मालवणच्या दांडी येथील जि. प. प्राथमिक शाळेतील विद्यार्थ्यांना शैक्षणिक साहित्य तसेच इनडोअर क्रीडा साहित्याचे वितरण करण्यात आले. शालेय वयात विद्यार्थ्यांच्या सर्वांगीण विकासाला प्रोत्साहन मिळावे या उद्देशाने भाजप महिला शहराध्यक्षा तथा मालवण नगरपरिषदेच्या महिला व बालकल्याण सभापती तथा नगरसेविका अन्वेषा आचरेकर यांच्या वतीने दांडी येथील जि. प. प्राथमिक शाळेतील विद्यार्थ्यांना शैक्षणिक साहित्य तसेच इंडोअर गेम साहित्याचे वितरण करण्यात आले.  

वह्या, शैक्षणिक साहित्य आणि इनडोअर गेमचे साहित्य मिळाल्याने विद्यार्थ्यांकडून समाधान व्यक्त झाले. शाळेतील शिक्षक, पालक व विद्यार्थ्यांनी या उपक्रमाबद्दल सौ. आचरेकर यांच्याविषयी विशेष कृतज्ञता व्यक्त केली. 

यावेळी मालवणच्या नगरसेविका महानंदा खानोलकर, महिला पदाधिकारी दीक्षा गावकर, अमृता फाटक, तारका चव्हाण, महिमा मयेकर, सचिन मालंडकर, शाळा व्यवस्थापन समितीचे अध्यक्ष व उपाध्यक्ष, मुख्याध्यापिका विशाखा चव्हाण, शिक्षिका श्रद्धा बागवे, अमृता राणे, उज्ज्वला चोकेकर, अंगणवाडी सेविका मोरजकर, मदतनीस गांवकर तसेच पालक उपस्थित होते.

मुख्याध्यापिका विशाखा चव्हाण यांनी मालवणच्या महिला व बालकल्याण सभापती अन्वेषा आचरेकर आणि उपस्थितांचे आभार मानले.