सरपंच जेराॅन फर्नांडिस यांचे ग्रंथ दातृत्व आणि ग्रंथ महतीची जाणीव ठरतायत प्रशंसेचा विषय...! ( संपादकीय.)

संपादकीय : मालवण तालुक्यातील आचरे ग्रामपंचायत सरपंच आचरे गावचे सरपंच जेराॅन फर्नांडिस यांनी शालेय विद्यार्थ्यांना, श्री. सुरेश ठाकुर लिखीत 'शब्दांच्या पलिकडले' या पुस्तकाच्या ८० पुस्तकांचे वाटप केले आहे. कोमसाप मालवणचे अध्यक्ष, सेवानिवृत्त केंद्रप्रमुख शिक्षक आणि प्रतिथयश लेखक श्री. सुरेश ठाकुर यांचे 'शब्दांच्या पलिकडले' हे पुस्तक नुकतेच प्रकाशित झाले असून त्याला भरघोस प्रतिसाद मिळत आहे. 

न्यू इंग्लिश स्कूल, आचरे हायस्कूल मध्ये एका विशेष कार्यक्रमात हे ग्रंथदान झाले अशी माहिती कोमसाप अध्यक्ष श्री. सुरेश ठाकुर यांनी दिली आहे. स्कूल कमिटी अध्यक्ष जकारियस फर्नांडिस हे कार्यक्रमाच्या अध्यक्षस्थानी होते.

या कार्यक्रमाचे सूत्रसंचालन मधुरा माणगावकर यांनी केले. कार्यक्रमाचे प्रास्ताविक अनघा कदम आणि मुख्याध्यापक अंकुशराव घुटुकडे (न्यू इंग्लिश स्कूल , पाचोरा) यांनी आभार प्रदर्शन केले. 

कार्यक्रमात अनिरुद्ध आचरेकर आणि पाटकर यांच्या प्रमुख साथीने 'बोलतो मराठी' हे गीत आणि पसायदान सादर झाले. यावेळी सुगंधा गुरव, दादा बाप परडेकर,राजन पांगे आदी उपस्थित होते.  

या कार्यक्रमात, सरपंच जरोन फर्नांडिस यांनी ८० विद्यार्थ्यांना पुस्तकांचे वाटप केले.

आठवडाभर आधी, 'शब्दांच्या पलिकडले' कार्यक्रमाच्या प्रकाशन सोहळ्यात मंचावर, सरपंच जेराॅन फर्नांडिस यांची संपूर्ण कार्यक्रमाला सक्रीय आणि साहित्याशी समरसून प्रमुख उपस्थिती होती. त्यांच्या साहित्य प्रसार जाणीवेची तसेच ग्रंथ महतीच्या सक्रीय जाणिवेची विशेष प्रशंसा होत आहे.