डॉ. शिल्पा झांटये यांच्या 'द गारलँड ऑफ वर्ड्स' काव्यसंग्रहाचे मान्यवरांच्या उपस्थितीत प्रकाशन.

ब्यूरो न्यूज : सिंधुदुर्ग जिल्ह्यातील मालवण तालुक्यातल्या आचरा येथील श्री. रामेश्वर वाचन मंदिर येथे अक्षय तृतीये दिवशी, मालवण येथील प्रसिद्ध स्त्री रोगतज्ञ डॉ. शिल्पा झांटये यांचा निवडक २६ इंग्रजी कवितांच्या संग्रहाचा प्रकाशन सोहळा उत्साहात संपन्न झाला. मुले, शिक्षक, पालक यांना डोळ्यासमोर ठेवून या काव्य संग्रहातील कवितांचे लेखन करण्यात आले असून मालवण मधील शालेय आणि सार्वजनिक ग्रंथालयांना हे पुस्तक वाचनासाठी मोफत उपलब्ध करून देणार असल्याचे डॉ. झाटये यांनी सांगितले आहे.

या पुस्तक प्रकाशन सोहळ्याला डॉ. शिल्पा झाटये व डॉ. अविनाश झांटये यांच्यासह श्री. रामेश्वर वाचन मंदिराचे अध्यक्ष बाबाजी भिसळे, उपाध्यक्ष अशोक कांबळी, कार्यवाह अर्जुन बापार्डेकर, सदस्या सौ. उर्मिला सांबारी, भिकाजी कदम, श्रीमती वैशाली सांबारी, जिल्हा परिषद सदस्या सौ. वर्षा सांबारी, सौ. कामिनी ढेकणे, सौ. श्रद्धा महाजनी, निलेश सरजोशी, मंदार सांबारी, श्रीमती सुगंधा गुरव, ग्रंथपाल सौ. विनिता कांबळी, महेश बापार्डेकर, सौ. समृद्धी मेस्त्री, स्वप्नील चव्हाण आदी मान्यवर आणि ग्रामस्थ उपस्थित होते.

हे पुस्तक झांटये हॉस्पिटल रेवतळे येथे १५०/_ रुपयात उपलब्ध आहे. ह्या पुस्तकाबद्दल अधिक माहितीसाठी कवयित्री डाॅ. शिल्पा झांटये यांच्याशी 9422393929 क्रमांकावर संपर्क साधता येऊ शकतो.

आचरा येथील श्री. देव रामेश्वर यांच्या साक्षीने अक्षय तृतीयेला प्रकाशित झालेल्या ह्या 'द गारलँड ऑफ वर्ड्स' पुस्तकाबद्दल कवयित्री डाॅ. शिल्पा झांटये यांचे विविध क्षेत्रातील मान्यवरांनी अभिनंदन केले आहे.