आचरा तिठा येथे २५ ऑगस्टला शिवसेना उद्धव बाळासाहेब ठाकरे पुरस्कृत नारळ लढवणे स्पर्धा. 

मालवणचे नगरसेवक मंदार ओरसकर पुरस्कृत प्रथम व द्वितीय क्रमांकाचे चषक आणि स्पर्धेत पैठणीसह विविध भेटवस्तूंची रेलचेल.

मालवण | प्रतिनिधी : मालवण तालुक्यातील आचरा तिठा येथे शिवसेना उद्धव बाळासाहेब ठाकरे पुरस्कृत नारळ लढवणे स्पर्धेचे आयोजन करण्यात आले आहे. यंदा या स्पर्धेचे ५ वे वर्ष असून मंगळवार, २५ ऑगस्ट २०२६ रोजी आचरा तिठा येथे दुपारी २ वाजता ही स्पर्धा संपन्न होणार आहे.

या स्पर्धेसाठी प्रथम १२८ स्पर्धकांना प्राधान्य देण्यात येण्यात येणार असून प्रवेश शुल्क ₹२५० आहे. प्रथम क्रमांक विजेत्यास ₹ ५००१ व चषक व द्वितीय क्रमांक विजेत्यास ₹ ३००१ व चषक असे बक्षिसाचे स्वरूप आहे. हे चषक मालवण नगरसेवक मंदार ओरसकर यांनी पुरस्कृत केले आहेत. 

या स्पर्धेत आचरा विभागातील महिलांसाठी मोफत नारळ देण्यात येणार असून प्रथम ३२ स्पर्धकांना प्राधान्य देण्यात येईल. महिला स्पर्धकांसाठी प्रथम क्रमांक विजेत्यांना गजानन गांवकर पुरस्कृत पैठणी व द्वितीय क्रमांक विजेत्या स्पर्धकाला आकर्षक भेटवस्तू देण्यात येणार आहे. 

स्पर्धेबाबत अधिक माहितीसाठी रुपम टेमकर (9168107010), विद्यानंद परब (9421144376), लिलेश मांजरेकर (8275640707), दर्शन चिंदरकर (8459926429), माणिक राणे (9421237810) व सचिन रेडकर (9421040257) यांच्याशी संपर्क साधावा तसेच या नारळ लढवणे स्पर्धेत जास्तीत जास्त स्पर्धकांनी सहभाग घ्यावा, असे आवाहन शिवसेना उद्धव बाळासाहेब ठाकरे पक्षाच्या वतीने करण्यात आले आहे. आचरा विभाग प्रमुख समीर लब्दे यांनी याबाबत माहिती दिली आहे.