आंतरराष्ट्रीय स्वच्छता दिनाचे औचित्य साधून २० सप्टेंबर रोजी समुद्रकिनारा स्वच्छता मोहीम जाहीर.

सिंधुदुर्गनगरी | ब्यूरो न्यूज : आंतरराष्ट्रीय स्वच्छता दिनाचे औचित्य साधून राष्ट्रीय किनारा अभियान अंतर्गत समुद्रकिनारा स्वच्छता मोहिमेचे आयोजन करण्यात आले आहे. ही स्वच्छता मोहिम शनिवार, २० सप्टेंबर २०२५ रोजी देवगड तालुक्यातील मिठमुंबरी व मालवण तालुक्यातील आचरा व देवबाग या ठिकाणी राबविण्यात येणार आहे.

पर्यटनदृष्ट्या स्वच्छता मोहिम ही सिंधुदुर्ग जिल्ह्यातील सर्व सागरी किनारे येथे राबविण्यात येणार आहे. या मोहिमेमध्ये संबंधित गटविकास अधिकारी यांनी नगरपालिका, नगरपंचायत विभागांच्या सहकार्याने संबंधित ग्रामपंचायत, माध्यमिक विद्यालय, उच्च माध्यमिक विभाग, सामाजिक संस्था तसेच स्थानिक लोकसहभगातून स्वच्छता मोहिम राबविण्याचे आवाहन उपजिल्हाधिकारी सा. प्र. बालाजी शेवाळे यांनी केले आहे.