तालुकास्तरीय खो - खो क्रीडा स्पर्धेत रामभाऊ परुळेकर कनिष्ठ महाविद्यालय विजयी.

मालवण : क्रीडा व युवा संचलनालय, पुणे आणि जिल्हा क्रीडा परिषद व जिल्हा क्रीडा अधिकारी कार्यालय सिंधुदुर्ग आयोजित स्पर्धेत १९ वर्षाखालील मुलांच्या तालुकास्तरीय खो - खो क्रीडा प्रकारात स. का. पाटील संलग्न रामभाऊ परुळेकर कनिष्ठ महाविद्यालयाचा मुलांचा संघ विजयी ठरला. अंतिम फेरीत त्यानी वराडकर हायस्कूल, कट्टा संघाचा पराभव केला. रेकोबा हायस्कूल येथे १२ सप्टेंबरला ही स्पर्धा संपन्न झाली.

या विजयी संघात चिन्मय मेस्त, सिद्धेश करंगुटकर, देवेश गावकर, यश कोळंबकर, शुभम लुडबे, हरिश्चंद्र देऊलकर, मयुर बागवे, सूरज आळवे, तुषार आढाव, ओम मिठबावकर, सुयश कदम, जतीन करंगुटकर, राज लाड यांचा समावेश होतो.

यशस्वी विद्यार्थ्यांचे महाविद्यालयाचे प्राचार्य डॉ. शिवराम ठाकूर, कनिष्ठ व वरीष्ठ महाविद्यालय शिक्षक व शिक्षकेतर कर्मचारी, कृ. सी. देसाई शिक्षण मंडळाचे कार्याध्यक्ष साईनाथ चव्हाण, सचिव श्री. चंद्रशेखर कुशे यांनी अभिनंदन केले व पुढील वाटचालीस शुभेच्छा दिल्या.

संघाला सागर सावंत यांचे क्रीडा मार्गदर्शन लाभले अशी माहिती मिळत आहे.