माजी नगराध्यक्ष तथा जिल्हा संघटक महेश कांदळगांवकर यांचे ‘स्वपक्षिय वरीष्ठ नेत्यानी’ पावशीतल्या मेळाव्यातील ‘त्या’ वक्तव्याचे विश्लेषण करावे असे ‘वैयक्तिक’ मत.

मालवण : मालवणचे माजी नगराध्यक्ष व जिल्हा संघटक महेश कांदळगांवकर यांनी पक्षाच्या, पावशी ( सिंधुदुर्ग) येथील मेळाव्यात वरीष्ठ नेते व कॅबिनेट मंत्री आमदार भरतशेठ गोगावले यांचे, वरीष्ठ नेते खासदार नारायणराव राणे यांच्या बाबतचे वक्तव्य क्लेषदायक असल्याचे ‘वैयक्तिक मत’ प्रसिद्धीपत्राद्वारे मांडले आहे. गोगावले साहेबानी राणे साहेब यांच्याकडे याबाबत सन्मानपूर्वक विश्लेषण करावे, अशी अपेक्षा देखील त्यांनी केली आहे.

कांदळगांवकर म्हणतात की, पावशी येथे झालेल्या शिवसेना जिल्हा मेळाव्याच्या निमित्ताने, आमचे नेते कॅबिनेट मंत्री आमदार भरतशेठ गोगावले साहेब यांच्या कडून आदरणीय राणे साहेबांच्या राजकीय वाटचाली बाबत विश्लेषण करताना काही अनपेक्षित वक्तव्य केली गेली. शाखाप्रमुख ते मुख्यमंत्री , केंद्रिय मंत्री व लोकसभा खासदार असा ज्यांचा राजकारणात आदर्शवत प्रवास आहे अशा व्यक्तीच्या बाबतीत अनावधानाने का असेल पण असं वक्तव्य समर्थनीय नाही . आमचं राजकीय वय खूप कमी आहे पण या मेळाव्यात बसलेले असंख्य जण हे राणे साहेबाना कुटुंबाला दैवत मानणारे आहे. कित्येक जणांचे राजकीय प्रणेते राणे साहेबच आहेत. त्यामुळे या वक्तव्याची राणे साहेब हे पक्षाचेही मोठे नेते असल्याने कार्यकर्त्यांना चीड येणे आणि ते व्यक्त होणे हे स्वाभाविकच आहे. या वक्तव्याचा त्रास, त्यांना मानणाऱ्या कार्यकर्त्यांनाही झाला असणार त्यामुळे या वक्तव्याबद्दल आपल्या नेत्यानी आदरणीय राणे साहेब यांच्या कडे सन्मानपूर्वक व्यक्त झालं पाहिजे अशी भावना मनात नक्कीच असणार .

महेश कांदळगांवकर प्रसिद्धीपत्रात म्हणतात की, युती, आघाड्या या राजकारणातील घडामोडी घडतच राहणार पण मागील चाळीस वर्षाच्या कारकिर्दीत राणे साहेबांनी, कुटुंबाने राजकारणाच्या पलीकडे जाऊन आपली आदरयुक्त छबी सर्वच पक्षाच्या कार्यकर्त्या मध्ये जपली आहे. या वक्तव्याबाबत आमचे आदरणीय नेते भरतशेठ गोगावले साहेब हे नारायण राणे साहेब यांच्या कडे सन्मानपूर्वक व्यक्त होतील आणि महायुतीच्या सर्व कार्यकर् भावनेचा आदर करतील अशी अपेक्षा आहे असे श्री. कांदळगांवकर यांनी प्रसिद्धीपत्राद्वारे सांगितले आहे. .