आमदार निलेश राणे व जिल्हाप्रमुख दत्ता सामंत यांचा नागरी सत्कार.

पोईप | प्रतिनिधी : गोळवण आमराई रीसॉर्ट येथे आमदार निलेश राणे व शिवसेना जिल्हाप्रमुख दत्ता सामंत यांचा भव्य नागरी सत्कार करण्यात आला. यावेळी मालवण तालुक्यातील गोळवण, कुमामे डीकवल गावातील श्री. भाऊ चव्हाण यांसह अनेक पदाधिकारी व शेकडो कार्यकर्त्यांनी आमदार निलेश राणे यांच्या प्रमुख उपस्थितीत त्यांच्या विकासकार्यावर प्रेरित होऊन शिवसेनेत पक्षप्रवेश केला अशी माहिती मिळत आहे.

हा सामूहिक पक्षप्रवेश केवळ राजकीय परिवर्तन नसून, ग्रामीण भागातील जनतेचा शिवसेनेवर असलेल्या विश्वास आणि निष्ठेचा ठोस पुरावा आहे. शिवसेना ही केवळ एक राजकीय संघटना नाही, तर सामान्य जनतेच्या हक्कासाठी लढणारी चळवळ आहे. या नव्या कार्यकर्त्यांच्या सहभागामुळे गोळवण गावातील शिवसेनेच्या संघटनात्मक ताकदीत मोठ्या प्रमाणात वाढ होणार आहे अशी प्रतिक्रिया व्यक्त होत आहे

यावेळी आमदार निलेश राणे, शिवसेना उपनेते संजय आंग्रे, शिवसेना जिल्हाप्रमुख दत्ता सामंत, जिल्हा सरचिटणीस दादा साईल, मालवण तालुकाप्रमुख राजा गावडे, तालुकाप्रमुख विनायक बाईत, मालवण शहर प्रमुख दीपक पाटकर, जिप माजी वित्त व बांधकाम सभापती अनिल कांदळकर, संतोष साटविलकर, माजी सभापती राजू प्रभुदेसाई, ग्रा.पं. सदस्य साबाजी गावडे, गोळवण शाखाप्रमुख विकास परब, राजन माणगावकर, युवासेना जिल्हाप्रमुख संग्राम साळसकर, युवा उद्योजक सुशांत घाडीगांवकर, दादा नाईक, कमलेश प्रभू, देवली सरपंच शाम वाक्कर, महान सरपंच अक्षय तावडे उपस्थित होते