वेंगुर्ला येथे १४ जून रोजी रक्तदान शिबिर, रक्तदात्यांचे सत्कार व कार्यशाळेचे आयोजन.
वेंगुर्ला | ब्यूरो न्यूज : जागतिक रक्तदाता दिनाचे औचित्य साधुन शासकीय औद्योगिक प्रशिक्षण संस्था, वेंगुर्ला येथे सिंधुरक्तमित्र प्रतिष्ठान सिंधुदुर्ग संस्थेच्या वतीने शनिवार, १४ जून २०२५ रोजी रक्तदान शिबीर, रक्तदात्यांचे सत्कार तसेच देहदान, अवयवदान व रक्तदानाबाबत कार्यशाळेचे आयोजन करण्यात आले आहे.
यावेळी सकाळी ९:३० ते १:०० या वेळेत रक्तदान शिबिराचे आयोजन करण्यात आले आहे. तर नियमित रक्तदान करून रुग्णांचे प्राण वाचविणाऱ्या रक्तदात्यांचा सन्मानही यावेळी मान्यवरांच्या हस्ते करण्यात येणार आहे.
यासाठी रक्तदाते, व रक्तमित्र प्रेमींनी मोठ्या संख्येने उपस्थित रहावे असे आवाहन संस्थेचे अध्यक्ष प्रकाश तेंडोलकर व औद्योगिक प्रशिक्षण संस्थेचे प्राचार्य जगदीश गवस यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
